اللهم ولى على مصر من يصلح حالها يارب العالمين
صاحب رأى

بجد بجد بجد حاجة تجنن التصريحات بتاعت 2009
كل وزير بيطلع يقول كلام مش فاهم هو بيقول ايه؟
المهم انه يا يضحك الناس يا يضحك عليهم .

وآخرهم وزير الصحه "حاتم بيه الجبلى" بيقول ان انفلونزا الخنازير هتدخل مصر فى اى وقت .
ليه يا عم الوزير كده مش انتم المفروض بتأمنوا البلد علشان مش تدخل ولا ايه ،
ولا انتم متعينين وزراء علشان تقولونا ان الفيروس هيدخل مصر .
ما احنا عارفين من غير ما تقولوا ، ولا انت بتقولنا كده علشان لو دخل مش نقول انت السبب وانك نبهتنا اصلا .
وبعدين اللى هيجننى بجد وهو بيقول "وسنضرب لخمه فى البدايه" يعنى ايه يا عم الحاج "على رأى واحد صاحبى"
ازاى تقول كده بس والله لو انا رئيس جمهوريه اطردك برا الوزاره فورا!!!!
هو انت قاعد فى المنصب دا علشان تضرب لنا لخمات ، لخمه هنا ولخمه هناك لغايه ما الشعب كله يموت ؟؟؟؟!!!!
طب ما تشوف البلاد اللى الاصابه فيها بيعملوا ايه ع
لشان تقدر تعمل زيهم .
ولا احنا نحب نمشى فى الضلمه ومش نشوف قدامنا ونعلم نفسنا.

ما كفايه علينا انفلونزا الطيور وتحقيقنا اعلى نسبه فى الاصابه والوفيات .

اللى سيادتك اتكلمت عنها بالنسب مش بالارقام "وأستطيع أن أقول لدينا أحسن وزارة صحة فى الكرة الأرضية، لأنى عندى نسبة وفيات أقل من نسبة الوفيات العالمية بـ٥٠ %، النسبة العالمية ٦٦%، النسبة لدينا ٣٣%"
والارقام طبعا اعلى معدل حصل .
لا وايه بيقول ان فى احتمال كبير وان مصر مرشحه ان فيروس انفلونزا الطيور يتحول .
هههههههههههههه
هم يضحك وهم يبكى .

يا سياده الوزير كفايه كده عليك والله.

المستشفيات فى انهيار تام ، الناس بتدخل مستشفى علشان شويه برد تخرج ناقصه كليه .
وناس تدخل المستشفى تاخد كيس دم وتموت .
كفايه فساد بقى كفايه .

ولا علشان اسمك جبلى يبقى هتفضل شديد وبصحتك "الله فوق كل شىء".

وكمان سيادتك بتتكلم عن المقابر الجماعيه والموت وعدم التكفين والفتاوى ونسيت تتكلم عن خطه العلاج ، يعنى التفكير كله فى اتجاه اننا اموات وكل حاجه بايد ربنا فين شغلك يا باشا ؟؟؟؟؟؟؟

لا ولسه كمان مشكله دبح الخنازير بطريقه وحشيه
يعنى نعمل ايه بس نديها شيكولاته مسممه مثلا ولا نلاعبها شويه قبل ما ندبحها
ولا نموت احنا وخلاص


حسبى الله ونعم الوكيل

وعجبى

صاحب رأى
اكيد كلنا سمعنا عن موضوع منع المواقع الاباحيه من على الانترنت

اول كلمه تخطر على بالنا فى موضوع زى دا" اخيرا هتعملوا حاجه كويسه وتمنعونا من الانحطاط الاخلاقى ده"
بس هل معنى كده ان الحياه هتبقى جميله ولذيذه ؟؟؟؟؟؟
هل التحرش هيقل ولا هيزيد ؟ ، مش معنى كلامى انى ضد قضيه منع المواقع الاباحية
انا معاها 100% ، بس المفروض انى لما امشى فى طريق اكمله كلو مش اخد جزء واسيب الباقى واقول انا وصلت .
وليه سايبين الاعلام يلعب ويكبر فى موضوع التحرش دا


ويجيب بنات الواحد بيشوفهم فى الصور بس بيبقى نفسه انه يتحرش بيهم "من حيث اللبس اللى مغطى ومش مغطى"
مش عارف ازاى وصلنا لمرحله زى دى .
انا كشاب مصرى بحط نفسى مكان واحد بقاله اكتر من 30 سنه مش بياكل "مش متجوز" وحطينا قدامه سندويتش "واحده من بتوع التحرش"
هيعمل ايه يعنى؟؟؟؟؟؟
ولو فرضنا ان السندويتش كان مقفول عليه بقفل اسمه الاخلاق "بنت محترمه محجبه"
هيعمل ايه فى الموقف دا ؟؟؟؟
اكيد كلنا عارفين ان البنت لو محترمه 90% مش هيحصل اى حاجه والله .
من كام يوم ظهرت لنا بنات التحرش فى اكتر من برنامج وبدأوا يتكلموا ازاى هما بيعانوا من الموضوع دا ، اكتر كلمه كانت بتضايقنى انها تقول مش بحط ميكياج وساتره نفسها وبيجوا يتحرشوا بيها ، طب دا كلام ناس عاقلين !!!!!!!!!!!
امنعوا اللبس الضيق للبنات ، وفروا فرص عمل للشباب ، ابنوا مساكن جديده ، اعملوا زى السعوديه شوفوا بيمنعوا النساء من موضوع اللبس دا ازاى ؟؟
حرام عليكم احنا تعبنا ..

امنعوا المواقع لانها فعلا سبب فى انحطاطنا دا بس ياريت نحاول نمنع سبب ومصيبه اكبر لان مصادر الانحطاط هتتجه كلها للتحرش يا حكومه .

وربنا يستر و عجبى .....
صاحب رأى
وانا فى طريقى الى بيتى وبلدى مسافرا من الاسماعيلية الى المنصورة ، تذكرت ما شاهدته ليله الأمس على "الكمبيوتر".
ففى هذه الليله ذهبت الى صديق لدى لاعطيه بعض من الاشياء التى تحتويها "فلاشتى" ، فرد إلى المعروف بأغلى شىء عنده وبالطبع له جزيل الشكر على ذلك .
أخذت منه "الفلاشه" وذهبت بها لاعمل منها على مشروع لدى فى احدى المواد الدراسيه ولو كنت ايها القارىء من طلبة "حاسبات" فستعلم انها ال "php" .
نعود الى موضوعنا ....
وجدت ملف الفيديو على "الفلاشه" بإسم "ممنوع الدخول" ولم اكن اعلم ما يحتويه ذلك "الفيديو" ، فظننت ان هذا الملف من النوع السياسى "اللى بيودينا ورا الشمس" ، قلت فى نفسى ولما لا ادخل وأرى بنفسى .
اول لقطة رأيتها كانت عباره عن كلمات جعلتنى افكر كثيرا فيما انا مقبل على مشاهدته ، كانت الكلمات كالأتى "جامعة القاهره ، كليه الطب البيطرى ، تقدم" .
عند هذا الكلام ظننت ان ما سأشاهده ما هو إلا مظاهره أو تجمع صاخب وشكوى من الطلاب إتجاه حق مغتصب منهم .
وبعد هذه الكلمات ظهر إلى عنوان الملف وكان مكتوب "مسرحيه ممنوع الدخول" ، تغير فكرى تماماً فى هذه اللحظه ، فظننت انه ما هو إلا عمل سخيف مثل ما نراه هذه الأيام من إعلام وفنانين لا يستحقون هذا اللقب إلا قليلا منهم .
وبما أننى مثل باقى البشر عندى فضول ، قلت ولما لا أتحقق من هذه المسرحية لعل وعسى يخيب ظنى .
افتتحت المسرحية بكلمة عميد الكلية والتى لم اسمع منها شيئا ولم اركز فى ان اشاهدها فتخطيتها آملا فى رؤيه العمل المسرحى .
أول مشهد كان يحتوى على خلفيه لريف مصرى ويوجد حبيبا يلعبان على صوت اغنيه لا أعرفها.
بدأ هذا المشهد وانتهى وانا أفكر فى ان اعتقادى بدأ يصير صحيحاً .
ثم بدأ المشهد الرئيسى للمسرحية :
ثلاثة شباب نيام وأم تدخل بطبيعتها الريفيه وتوقظ الأب الذى يسأل عن أبناءه بعد إستيقاظه كأى أب يحب أبناءه .
طبعا لن أستطيع ان أصف مدى فعاليه المشهد أو المسرحية بأكملها ، ولكن هذا المشهد كان قمة فى الكوميديا .
إستيقظ الأبناء وأخذوا يلقون الكوميديا فى وجود المشاهدين والكل يضحك وأنا بالطبع أموت ضحكاً .
الأب "هنداوى" والذى يقوم بدوره "عبد الرحمن" جلس يذكر زوجته بشبابه وصحته فى مشهداً كوميديا جمع بن الأب والأم .

الزوجة أو الأم "أم منصور" قامت بهذ الدور "هبه السعيد" ولقد قامت به على أحسن ما يكون حتى كدت أصدق انها أم لهؤلاء الأبناء وقلت خسارة للإعلام أجمع أن لا يستفيد من موهبتها .
الإبن الأكبر وهو "منصور" الذى قام بدوره بطل المسرحيه ونجمها الأول والذى جعل عيناى تدمعان فى أكثر من موقف وقام بتمثيل دور أعتقد انه الوحيد القادر على أداءه بمثل هذه الطريقة ، فمهما كتبت عن هذا الشاب لن اوفيه حقه فى إمتاعى وإمتاع كل من شاهد هذا العمل ، هذا الشاب هو "عبده رشدى".
وكان يرمز منصور الى ذلك الشاب الذى لم يتعلم لأنه اكبر أخواته والذى وجب عليه العمل مع أبيه لرعاية باقى أفراد الأسرة ، وهذه كانت اول مشكله يتم توضيحها "قضية التخلف عن التعليم".
الإبن الأوسط "مسعد" وقام بدوره "محمد رضا" وكان عباره عن رمز للشاب المصرى المتعلم والذى لم تتحقق امنيته فى أن يحصل على وظيفه فقام برعايه أرض والده والعمل عليها مع أخيه الكبير ، وبذلك تم عرض مشكله" البطالة فى مصر وقلة الفائده من التعليم ".
الإبن الأصغر وهو "حميده"والذى قم بدوره نجم الكوميديا "أحمد الهوارى"، هذا الشاب الذى يملك من الخفه والمرح ما جعل دور الكوميديا مؤثرا جدا فى رسم كل ضحكة على وجه كل مشاهد ، فلقد كان يقوم بدور طالب فى الثانويه العامه ولكن كلامه مختلف عن أسرته حيث انه يعلم بعض المصطلحات الشبابيه كمعرفته بال"النسكافيه" الذى يجهله باقى أخوته .
هؤلاء هم أبطال المشاهد الأولى التى احتوت على الكثير من الكوميديا .


كنت أود ان أكمل ما كتبته الآن ، لذلك لنا مقال آخر يوجد به تكملة ما حدث وما كتبت .
رجاءاً تابعنـــــــــــــــــــــــــــــــــــــــــــــــــــــــــــــــا.
Related Posts with Thumbnails