اللهم ولى على مصر من يصلح حالها يارب العالمين
صاحب رأى

الموضوع اللى كنت عايز اتكلم فيه من فتره

هو مهم جدا من وجهة نظرى

حصلت ضجة كبيره اوى عن الموضوع دا



والضجة دى كلها فى اتجاة واحد

بس انا شايف الحوار كله من اتجاة تانى خالص



عشان كدا قولت استنى شويه وابقى اتكلم عنه

عشان كان ممكن اللى يقرأ يفكر انه نفس الرأى فا ميكملش قراءه



معلش طولت اوى فى البداية دى



ندخل بقى فى الموضوع

كلنا فاكرين الزيارة اللى عملها السفير الاسرائيلى لجريدة الأهرام



اووووووووووووه ضجة يا معلم وفضيحة

وطبعا دى فرصة الاعلام المصرى ، اعلام الفضايح



كله مسك الموضوع بقى وقعد يفتى على قد ما قدر

اللى يتهم ناس بالعماله والجاسوسيه

واللى يقول دنسوا الجريدة

دا طبعا عشان عم عبده لسه ماسح وكانس :)

واللى يقول اكيد فى مخطط لحاجه

واللى يقول دخل الجريده هيلعبوا فى ثقافتنا

حوش الثقافه يا واد



كل الناس مشيت فى اتجاه واحد وهو الاتهام الموجه لمستضيف السفير فى الجريدة

الاستاذه \ هاله مصطفى



نفسى افهم بس

وواحد يفكر معايا كدا



لو دخلت بيت ولقيت واحده او واحد بيرقص ولى امرهما ماسك مصحف بيقرأ قرآن

هتقولى ايه الهبل دا

خليك بس معايا للآخر



بذمتك ما هتستغرب من تصرف اللى بيرقص

مش الموقف دا تقدر تمسك اللى بيرقص دا تموته من الضرب



لكن لو دخلت بيت ولقيت بنت او ولد بيرقص وولى امره ماسك الطبله وبيطبل له

والله ما هتنطق خالص ولا هتستغرب

لان دا امر طبيعى

عشان كدا المثل بيقول ايه

"اذا كان رب البيت بالدف ضارب فشيمه اهل البيت الرقص"



نوصل بقى للمراد من دا كله

ازاى ابقى زعلان ومتضايق من زياره السفير للجريده

وهو فى الاصل مقيم فى القاهره بامر من ولى امرنا

يعنى ولى الامر طبل اهو فى الاول



بذمتكم مش دا المنطق

ولا احنا بس نحب نقول ليه وازاى ونوجه اتهامات وخلاص



وكمان الدستور بتاعنا مش بينص على منع اى اسرائيلى من دخول اى مؤسسه حكومية



مين سمح لاى اسرائيلى انه يدخل مصر ويخرج زى ماهو عايز

يا جدعان بصوا للموضوع من زاوية صح

بصوا له من اساسه



بلاش نمسك الفروع ونستقوى عليها ونحاول نكسرها

لانك لو عايز الصح اقطع الجذر



اذا اردت ان تتخلص من الثعبان فاقطع رأسه

مش ديله ولا حته منه



اكيد الناس فاهمه قصدى كويس اوى



انا عارف ان فى ناس كتير بتدخل المدونه مره وبعد كدا لا

من المواضيع اللى بكتبها

مظم الناس بدأت تكره انها تتكلم عن حاجه فى مصلحه البلد

كل الناس عايزه تتكلم عن الحب والاغانى والاشعار وبس

والله دا تفكيرى بقى

وانا بكتب لنفسى قبل ما بكتب لحد تانى

مجرد افكار بحاول ادونها



المهم بعد كدا بفتره

قررت الجريدة بعد الهجوم الغاشم

قرار مهم

منع اى اسرائيلى من دخول المؤسسه

ههههههههههه

والله هموت من الضحك



يعنى المؤسسه دى اهم من مصر

وهى اهم جزء فى مصر



امنعهم ازاى من دخول مؤسسه وهم فى الاساس مش ممنوعين من دخول بلدى



مش ولى امرنا بردو هو اللى سمح بكدا

حد مننا بيقدر يسافر اسرائيل فى اى وقت زى ما هما بيعملوا معانا

والله ما بيحصل



احنا ضعاف جدا

وتفكيرنا محدود اوى

اوى

اوى

اوى



السلام ختام يا شعب
صاحب رأى
زهقت منك وزهقت من حالك

كله بيدوس عليكى وبينهب فى مالك

واحنا الغلابه فى ارضك مطحونين

عايشين فى ذل من سنين

سنين طويلة ملهاش نهاية

قاعد لسه على الكرسى كأنها البداية

بداية احتلال جديد من زمن بعيد

جاب لنا ابنه يعاملنا زى العبيد

شمال يمين يمين شمال

وفى الآخر شعبك فى أحسن حال

تقارير كتير وحكاوى اكتر

عن شعبك والرب يستر

وزير منافق و وزير جبان

وحمار حاميكى من زمان

شغل سيما و شغل جان

قط بيجرى ورا الفيران

خايفين منه فى كل مكان

من الدلتا للصعيد

مضروبين بالجريد

متعذبين متبهدلين

لو اتكلمنا مش مسموعين

ولو سكتنا متجوعين

اعلام زباله اعلام فضايح

يحب يشوف الدم سايح

برنامج يمجد فى الحكومة

وبرنامج قواضى محسومة

ومره اتبرع يا بيه

ومره الحكومة هتعمل ايه

ومره البلد محتاجه

ومره اقولك على حاجه

"البلد دى آخر حاجه "
........................
كلمات : صاحب رأى
23/9/2009
صاحب رأى

ذات مرة وقع طائر في غرام وردة بيضاء

فقرر ان يصارحها بحبه

ولكنها رفضت

وقالت انا لا احبك


فظل يصارحها بشكل يومي

واخيرا

قالت له الوردة البيضاء

عندما يصبح لوني احمر سوف احبك ..


وفي احد الايام

اتى الطائر وقطع جناحيه ونشر دمه على الوردة

فتحول لونها الى الأحمر


فأدركت الوردة كم احبها الطائر

لكن الوقت كان قد فات لان الطائر قد مات


لذلك علينا احترام مشاعر الشخص الذي يحبنا

وسيظل يحبنا مهما مرت الايام

قبل ان يموت


كل مرة اقرأ فيها القصة دى

بحس ان الحزن دا جزء مننا

احنا اللى بنصنع الحزن بايدينا

واحنا اللى دايما بنبعد عن اللى بيحبنا

وبنقرب للى بيبعد عننا


ليه دايما مش بنختار الجانب الصح

ونختار اى جانب بيجى منه الجرح


عشان كدا

عندى مبدأ جميل جدا بمشى بيه

"خد اللى بيحبك"


المثل او المبدأ دا

بيمشى على موضوع الزواج وكدا

بس انا بمشيه على كل حاجه فى حياتى

سواء صديق او زميل

او اى انسان مهما كان بالنسبة لى


بس طبعا مش هاكره حد واقبل انى اقرب منه حتى لو بيحبنى


الكلام كله عن المعاملات الطبيعيه بينى وبين اى حد


عشان كدا لازم بجد ناخد بالنا من حاجه زى دى

بلاش نكسر ناس بتحبنا

ولما يبعدوا عننا نزعل اوى ونتأثر

لان وقتها لا فائده من البكاء


"لا فائدة من البكاء على اللبن المسكوب"
صاحب رأى
تقبل الله منا ومنكم صالح الاعمال والطاعات
وبلغنا رمضان القادم ان شاء الله
أعاده الله عليكم بالخير واليمن والبركات

نسأل الله ان يهدينا ويجعل كل ايامنا كأيام رمضان
اللهم بارك لنا فى العمل الصالح
صاحب رأى
من أشعار الشاعر عبد الرحمن يوسف
جامده جدا
وبلاش حد يبلغ عنى
ههههههههههه


صاحب رأى
دخل أحد الصحابة مسجد رسول الله صلى عليه وسلم في غير وقت الصلاة
فوجد غلاماً لم يبلغ العاشرة من عمره قائماً يصلى بخشوع
انتظر حتى انتهى من صلاته
فجاء إليه وسلم عليه وقال له: يا بني ابن من أنت؟
فطأطأ الغلام رأسه وانحدرت دمعه على خده ثم رفع رأسه
وقال: يا عم إني يتيم الأب والأم
فرق له الصحابي وقال له:يا بني أترضى أن تكون ابنا لي؟
فقال الغلام: هل إذا جعت تطعمني؟
قال: نعم
فقال الغلام: هل إذا عريت تكسوني؟
قال: نعم
فقال الغلام: هل إذا مرضت تشفيني؟
قال الصحابي ليس إلى ذلك سبيل يا بني
قال الغلام: هل إذا مت تحيني؟
قال الصحابي: ليس إلى ذلك سبيل
قال الغلام: فدعني يا عم
للذي خلقني فهو يهدين
والذي هو يطعمني ويسقين
وإذا مرضت فهو يشفين
والذي يميتني ثم يحين
والذي أطمع أن يغفر لي خطيئتي يوم الدين
فسكت الصحابي ومضى لحاله
وهو يقول
آمنت بالله من توكل على الله كفاه
لقد غابت معاني التوكل
وصار التعلق بالجوارح والدرهم والدينار
فشقيت البشرية بهذه المادة الطاغية
سبحان الله
هذا حال أطفال الصحابة مع التوكل
فما هو حال رجالنا اليوم مع التوكل؟
فمن هو البطل
فمن هو الشجاع
الذي يربي أبنه على القران الكريم وعلى سنه رسوله صلى الله عليه وسلم
Related Posts with Thumbnails