اللهم ولى على مصر من يصلح حالها يارب العالمين
صاحب رأى
زهقت منك وزهقت من حالك

كله بيدوس عليكى وبينهب فى مالك

واحنا الغلابه فى ارضك مطحونين

عايشين فى ذل من سنين

سنين طويلة ملهاش نهاية

قاعد لسه على الكرسى كأنها البداية

بداية احتلال جديد من زمن بعيد

جاب لنا ابنه يعاملنا زى العبيد

شمال يمين يمين شمال

وفى الآخر شعبك فى أحسن حال

تقارير كتير وحكاوى اكتر

عن شعبك والرب يستر

وزير منافق و وزير جبان

وحمار حاميكى من زمان

شغل سيما و شغل جان

قط بيجرى ورا الفيران

خايفين منه فى كل مكان

من الدلتا للصعيد

مضروبين بالجريد

متعذبين متبهدلين

لو اتكلمنا مش مسموعين

ولو سكتنا متجوعين

اعلام زباله اعلام فضايح

يحب يشوف الدم سايح

برنامج يمجد فى الحكومة

وبرنامج قواضى محسومة

ومره اتبرع يا بيه

ومره الحكومة هتعمل ايه

ومره البلد محتاجه

ومره اقولك على حاجه

"البلد دى آخر حاجه "
........................
كلمات : صاحب رأى
23/9/2009
موضوع المقال
6 Responses
  1. دانت عايز تتحبس بقي


  2. OlivE Says:

    والله فعلا البلد دى اخر حاجة

    والموضوع دا كمان اخر حاجة

    كلام جامد اوى


  3. !! a7mad sala7 !! said...

    دانت عايز تتحبس بقي\\

    ايدى على كتفك يا ريس


  4. !! a7mad sala7 !! said...

    دانت عايز تتحبس بقي\\

    ايدى على كتفك يا ريس


  5. عاشـــــــــقة القمر said...

    \\والله فعلا البلد دى اخر حاجة

    والموضوع دا كمان اخر حاجة

    كلام جامد اوى\\

    يارب يكون الكلام عجبك

    احياتى


  6. كلامك جامد جدا
    تسلم


Related Posts with Thumbnails