اللهم ولى على مصر من يصلح حالها يارب العالمين
mo7eba lellah


شفتى ياخالتى اللى جرا؟؟؟؟؟؟؟


من ستة وتلاتين سنة رجعلنا اللى ناقصنا


بدم وعرق ناس شافوا كتير علشان عيونها


شفتى الحب؟؟؟


شفتى لغاية فين مستعدين نفديها؟؟؟


شفت لفين ولا تمر فيها؟؟؟؟


شفتى اللى حصل؟ مقولتلكيش؟ اخص عليا اخص بجد


يرضيكى ياخلتى ان توتو وسوسو اللى بيلبسوا اخر فاشون يتسقفلهم؟؟


يرضيكى المحترمة اللى لابسة طرحتها ومبتعملش حاجة تنطرد وتتهزق؟؟


يرضيكى؟؟ يرضيكى؟؟


ساكتة ليه يا خالتى؟؟ ساكتة ليه؟؟


ساكتة زى ما كله ساكت؟؟


ساكتة لان محدش سامعنا غيرنا؟؟


احنا هنفضل نسمعنا ونسمعنا لغاية منطفش مننا؟؟


صحيح الكلام هيفيد بايه؟؟


اللى عاش تحت التراب سنين فدا للتراب ضيعنا حقه


ضيعنا رايته


اللى يقول وانا مالى طب وانا مالى؟؟


انا مالى انى اتخلقت حرة؟؟


انا مالى لو اتخلقت بصوت عالى؟؟


انا مالى لو تعبت من كتر السمع قلت اغلط واتكلم؟؟


انا مالى؟؟


عارفة يا خالتى انا ابقى ايه؟؟


انا مخلوق ضعيف فيا ارادة قوية عاوزنى اسيبها وامشي جنب الحيط


دا لو لقيت الحيط اصلا


ماهو يا خالتى فى ناس كدة اه


يبقى نفسها تقفل اديها عالناس وتعصرهم


فى ناس .......................


اقول ايه ولا ايه مانتى اكيد عارفة


بس الى متعرفيهوش يا خالتى انى مش هاسكت


حتى لو فضلت اصرخ ومحدش يسمعنى غيري


ما انا له حق عليا


له حق احميه له حق ملعبش بيه


انا مش جاية ادايقك والله يا خالتى بس دى قسمتك وقسمتى


انى اعيش على ترابها ونفسي احميه لكن بنلاقيهم بجزمهم على دماغنا


قالوا زمان الله اكبر وعبروا القناة


قالوا زمان نفديك بالدم راح اتلوث


والله يا خالتى


خالتى خالتى خالتى


اه نسيت انى خالتى ماتت بتلوث الدم


حسبي الله ونعم الوكيل



8 Responses

  1. يا جماعه اللى كتب الكلام دا
    المدونة الجديده
    "mo7eba lellah"

    ان شاء الله هتكون خير من يشاركنى برأيه فى مدونتنا المتواضعه

    بالتوفيق ان شاء الله
    وان شاء الله من افضل الى افضل باذن الله


  2. غير معرف Says:

    المدونه حلوه اوى وموضوع ياخالتى موضوع جميل جدا
    ربنا يوفقك


  3. olive Says:

    أولا :مبروك مشاكره المدونه
    وان شاء الله تفضل فى تقدم وتألق دائم ان شاء الله

    ثانيا : الله يرحمها خالتك ويرحمنا معاها احنا كمان يارب

    وحسبى الله ونعم الوكيل
    هنقول ايه غير كدا

    ثالثا بقى : مش المفروض يبقى فى حفله شاى وجاتوه بمناسبه المشاركه فى المدونه دى ولا انتم مش كرماء ولا ايه

    مينفعش كدا


  4. mayosh said...

    \\المدونه حلوه اوى وموضوع ياخالتى موضوع جميل\\

    المدونه احلى بزيارتك وبرأيك

    والشكر على الموضوع يرجع لصاحبته اللى بجد نورت المدونه


  5. olive said...

    \\أولا :مبروك مشاكره المدونه
    وان شاء الله تفضل فى تقدم وتألق دائم ان شاء الله\\

    الله يبارك فيكى
    وان شاء الله فى تقدم بوجودكم

    \\ثالثا بقى : مش المفروض يبقى فى حفله شاى وجاتوه بمناسبه المشاركه فى المدونه دى ولا انتم مش كرماء ولا ايه\\

    لا طبعا فى حفله شاى ان شاء الله
    وجاتوه كمان ان شاالله ماحد حوش

    عشان تعرفى ان اهل المنصوره كرماء بردو

    ووقت الحفله هنادى على الاسماء اللى هتاخد شاى
    :)


  6. مرسي يا ميوش جدا على ذوقك
    شكرا olive
    الشكر لله عز وجل ثم صاحب الرأى بجد
    وان شاء الله زى ما صاحب الرأى قال هيبقى )فى حفلة وتورتة( ومليش دعوة هو اللى
    قال
    :) :) :)


  7. olive Says:

    وأنا اللى دبستكم
    :D

    يلا لما نشوف الكرم


Related Posts with Thumbnails