اللهم ولى على مصر من يصلح حالها يارب العالمين
صاحب رأى

الحملة دى عجبتنى اوى



ومش هتكلم عن الناس كلها وهتكلم عن نفسى بس

انا فعلا مقصر فى صلاة الفجر

يمكن بقوم اصلى قبل الشروق احيانا 

بس مش صلاة الجماعة اللى كنت مواظب عليها فى رمضان

اكيد فى ناس كتير زى

وفى ناس تانيه لسه بتحافظ عليها فى المسجد

الحملة دى خلتنى مشتاق اصلى الفجر تانى فى المسجد

لان فعلا دى حاجه بعملها كل 11 شهر

يعنى فى شهر رمضان وبس

ودا غلط انا عارف

بس تقدر تقول عشان

مش بلاقى حد يشجعنى انى اصليها فى المسجد 


الحملة دى هى اللى هتشجعنا ان شاء الله

وممكن بردو نصحى بعض بالموبايلات

والحملة دى كان اسمها كلمنى الفجر

بس للاسف مأخدتش اهتمام من الناس


كل واحد يقدر يتفق مع واحد تانى

انهم يصلوا مع بعض فى نفس المسجد

عشان يبقى فى تشجيع على

انه يصحى ويصلى الفجر جماعة


اكيد فى اقتراحات كتيرة جدا

نفذها او انشرها فى مدونتك


ويارب يجعله فى ميزان حسناتنا جميعا 

وفى ميزان حسنات اصحاب الفكرة 

والقائمين على نشرها


الحملة من يوم 1 يناير حتى 7 يناير

نتمنى اننا نستفاد من الحملة دى

وتوقظ فينا روح الايمان

وان نبقى عليها دائما يارب


وربنا يوفقنا كلنا الى ما يحبه ويرضاه

موضوع المقال
13 Responses
  1. ربنا يتقبل..
    بس يارب متكونش لمده اسبوع,الفجر مش هياذن بس فى الاسبوع ده,الفجر بياذن طول السنه..:)


  2. \\الشعب لابد له من حكومه تشكمه said...\\
    \\بس يارب متكونش لمده اسبوع,الفجر مش هياذن بس فى الاسبوع ده,الفجر بياذن طول السنه\\

    مجرد بداية تشجعنا اننا نواظب عليها
    ربنا يساعدنا ويبعد عننا الكسل والشيطان

    عندى طلب انك تعلنى عن الحملة فى مدونتك حتى لو بالصورة بس
    لان بسم الله ما شاء الله زوارك اكتر منى فالنشر عندك له تأثير اعظم واحلى ان شاء الله

    وربنا يتقبل مننا كلنا


  3. تمام خلاص حطيتها عندى وهنزلها فى بوست:)
    ربنا يتقبل من الجميع ويارب تداوم على صلاة الفجر هتفرق معاك وربنا يعين الجميع يارب.ويارب تقبل


  4. بقولك لو عندك لينك للحمله دى ياريت تجيبهولى...
    ومعلومات اكتر عنها.ياريت.


  5. http://www.facebook.com/pages/n-mslm/270952435351?ref=mf


    الفكرة دى لجروب على الفيس بوك اسما
    أنا مسلم

    الجروب دا ناجح جدا
    لدرجة انهم بيفكروا يعملوا موقع كمان

    المهم ادخلى على الجروب عشان تعرفى اى تفاصيل
    وربنا يجازيكى كل خير


  6. تسمحلي أشارك معاكم؟

    أنا والحمدلله باصلي الفجر حاضر ودايما دايما قبل الصلاة باصحي عدة أخوات والحمدلله مع مرور الوقت الأخوات دول بيلتزموا و يبدأوا يقولوا لي خلاص متصحيناش بقينا بنصحى لوحدنا قبيل الآذان ...سبحان الله ربي الكريم ...فياريت كلنا نعمل كده الأخوات يصحوا صاحباتهن و الأخوة يصحوا أصحابهم وصدقوني صدقوني مع مرور الوقت حتلاقوا كتير فعلا بيصحوا قبيل الآذان استعدادا للصلاة في المسجد كشباب و رجال وفي البيت كبنات ونساء..وفقكم الله لما يحب ويرضى


  7. Remas Says:

    الحملة رائعة جزاك الله خيرا انت و الشعب لا بد له اللى فعلا بتساند الحملة ربنا يكرمها يارب

    ياريت كلنا نحاول نساعد بعض على صلاة الفجر مش بس الاسبوع دا ولكن طول ايام السنة

    ولو فعلا اتعودنا على القيام صلاة الفجر مش هانقدر ننام يوم ومش نصلى الفجر

    ربنا يكرمك يارب


  8. \\ كلمات من نور said..

    بجد كلامك اسعدنى جدا
    خصوصا انك اظهرتلنا الايجابيه من ورا الحملة دى
    وانها ممكن تفيدنا على طول
    ونتعود نصلى الفجر

    اسعدتنا بزيارتك نتمنى تكرارها


  9. \\reem said.

    ربنا يجازيكى خير ويكرمك على مساندتك
    ويارب يتقبل ان شاء الله فى ميزان حسناتنا جميعا

    شكرا للرد واتمنى دائما المشاركة برأيك


  10. السلام عليكم

    ازيك اخي الكريم
    عسى ان تكون بخير

    والله اشكرك جدا ع الفكرة الرائعه

    ويارب يكون في ميزان حسناتك

    ويارب تقبل منا جميعا ..وان شاء الله تكون دي البداية للي مش مواظب ع صلاة الفجر

    في حفظ الله


  11. فراشة Says:

    حملة جميلة جدا
    ربنا يجازيك خير
    وان شاء الله انا معاكم

    بس كانت تبقى احلى لو من بداية السنة الهجرية

    يالا مش مهم وان شاء الله كلنا نبدأ من دلوقتى
    والولاد يروحوا الجامع
    والبنات ميكسلوش يصحوا
    شكرا ليك


  12. \\ قلم رصاص said...

    وعليكم السلام
    الحمد لله بخير
    ويارب تكون بخير انت كمان

    وان شاء الله تكون فى ميزان حسناتنا جميعا

    والفكرة صاحبها الاصلى فى جروب انا مسلم على الفيس بوك

    وتقبل الله منا جميعا يارب


  13. \\فراشة said...

    عندك حق انها تكون من اول العام الهجرى

    بس صاحب الفكرة اقترح انها تكون فى اول العام
    لان فى ناس كتير بتعرف امتى اول السنه الجديدة عن العام الهجرى

    ويارب يتقبل منا جميعا
    نورتينا بتشجيعك


Related Posts with Thumbnails