اللهم ولى على مصر من يصلح حالها يارب العالمين
صاحب رأى

لا اعلم لماذا اصبح الدين هينا فى نظرنا ؟
لماذا نتجه نحو العلمانية ؟

فى الموضوع السابق
ذكر صديق انه يريد وطن بلا دين
اى كلام هذا ؟
وبرر كلامه بان رسول الله
"عليه الصلاة والسلام"
كان يعيش مع نصارى ويهود

فبأى عقييدة وبأى دين عاش معهم رسول الله
وهل قال لهم رسول الله 
سنشيد وطن بلا دين ؟
أم شيد الدولة الاسلامية ؟
وأنتجت هذه الدولة مالم تقدر عليه اخرى
على مر العصور .

نتوجه الى سيادة الوزير 
"يوسف بطرس غالى"
الذى سب الدين 
تحت قبة مجلس الشعب

للتأكد من الخبر اضغط هنا

وهذه خاطرة "بالعامية"

الوزرا أشكال وألوان
قهر وظلم وطغيان
ظالم شعبه المسكين
وكمان بيسب الدين

الدين برىء منك يا جبان
وخسارة فيك كلمة احسان
وكفاية تجديد القوانين
وتقطيع فينا شمال ويمين

يمين كدب حلفته زمان
انك هتصون الانسان
وشايفينك واحنا ساكتين
بتسرق فينا من سنين

سنين عذاب ودموع أحزان
ومن كل بيت فلوس كمان
حرام عليك داحنا مساكين
ارحمنا يارب هنجيب منين

منين هتعرف تقرا القرآن
وانت عايش فيها خسران
واضح انك ملكش دين
وعشان كدا سبيت الدين 


"حسبى الله ونعم الوكيل"
موضوع المقال , ,
6 Responses
  1. على فكره انت ظالمه,اولا اولا هو اتكلم بصفته عضو فىالمجلس مش وزير,
    ثانيا هو مش قاله على الملأ تؤتؤ دا فى قاعده خاصه تفرررررررق لمايسبه للشعب على الملأ ولما يسبه بينه وبين بعض الناس بس فى النهايه النتيجه واحده هيطلعوا علينا:)

    لكن الاهم باه واللى سمعته دلوقتى انهم بيقولوا(ركز فى بيقولوا وبالتحديد عز لسه سمعاه حاالا) قاااال كلا البته بطه ووزه هو مقالش كده هو قال انا هطلع روح المقاولين اللى خالفوا فى عزبه الهجانه..

    هذا والله اعلم,بس عموما فى رأى الشخصوى:
    مش هتفرق سينا من سونيا:))


  2. أيوه كلام شوشو صح وانا سمعت الكلام ده من بوء أحمد عز النهاردة


  3. \\ الشعب لابد له من شيما تشكمه\\
    بتهزرى ولا بتتكلمى جد
    ولا عشان انتوا حكومة فى بعكم بقى وبتحبوا تشكمونا :)

    متفرقش يا شيما قالها بصفته ايه
    ولا تفرق قالها فى قاعدة خاصة او على الملأ
    اللى يحرق القلب ان كل المعارضة مقلوبة على الجملة دى بجميع طواقفها
    وجميع الجرائد المستقلة كتبت الخبر ومفيش له تكذيب غير كلام الباشا عز

    ومنتظره ايه من عز يا شيما
    هيصدق على حاجه تدين الحكومة
    دا ولا مؤاخذة عز يا حكومة :)

    وعلى رأيك مش هتفرق سينا من سونيا :)
    بس قولى لسونيا تسيب الحكومة فى حالها :) اصل اخلاقهم باظت :)


  4. \\أم .. بوبه\\
    انا معاكم ان الخبر ممكن يكون صح وممكن يكون غلط
    بس كل الادله بتقول انه صح
    لان عز هو اللى بيدافع عنه
    واللى يدافع عنه عز بكره يزهق من أكل الوز :)


  5. احمد عز ايه اللي نصدقه احمد عز ده عازف درامز يعني طول عمره بتاع هز ورقص وختمها احتكار ومص دم الناس دي عالم والله العظيم لا تتصدق ولا تستاهل اي اهميه البلد مبقتش بلدنا بلدنا بتددهور بينا وشعارهم هنجيب اجلك انت بس بفكر جديد زي المثل اللي بيقول الهبله متجبش دكاتره تحياتي لكلامك بس شيماء فورت دم لما جابت اللي ميتسماش


  6. \\هي وظروفها يقول...\\
    متزعلش نفسك اوى كدا
    بكره هاشوف فى انتخابات الرئاسة هنبقى ايجابيين ولا هنتهبب زى اللى فاتت


Related Posts with Thumbnails