اللهم ولى على مصر من يصلح حالها يارب العالمين
صاحب رأى
ايه؟
حد فاكرنى ولا اتنسيت يا بشر
خلاص خلاص
عارف ان فيكم ناس محترمة لسه فاكرانى
ايوه ايوه واللى مش فاكرنى محترم بردو :)
معلش معرفتش ارد على التعليقات بجد
بس بشكركم جدا جدا
وبجد انتوا ناس متتعوضش
بجد انا كنت بحاول اكتب ولو جملة صغيره
بس بقى زى مانتوا عارفين انا لسه فى بداية مراحل الغربة
ايوه ماهى الغربة مراحل
انا بقى فى اول مرحلة
مرحلة التعب والتعب والتعب
فى المرحلة دى هتشتغل اى حاجه تتعرض عليك
واى حاجه دى مش زى مصر طبعا
بالعكس
دا احسن شغل فى مصر بيساوى فى
العائد المادى اى حاجه (اللى بتكلم عنها)
طبعا محدش هينكر ان الاسعار هنا نار مولعه
بس بالنسبه لاقل مرتبات موجوده
انت ممكن تعيش وتعيش ناس كمان
رفاهيه اجتماعيه يعنى
بس ايه بقى
تعب وارهاق اوى
حد فصيح يسألنى ليه
اقوله لان انت يا حبيبى ويا حبيبتى :)
قاعد فى بيتك
الست الوالده ربنا يخليها بتعملك كل حاجه
من اول الاكل لغاية فرش سريرك
يعنى انت مشفتش التعب
المهم انا فى انتظار الخطوه اللى بعد اى حاجه
اكيد واحد هيقولى طب ليه منتظر
اقوله يا ناس انا مش فى مصر
انا فى بلد لازم تطلع عينك عشان تقعدك يوم فيها
انما فى بلدنا مصر الحبيبه
اى حد يقدر يدخلها فى اى وقت ويقعد براحته
لسه بقى اذن عمل
ايوه لازم يسمحولك انك تشتغل فى البلد
وكمان كشف طبى
ايوه ايوه لازم يتأكدوا انك مطابق للمواصفات
احم قصدى
لازم يتأكدوا انك خالى من الفيروسات والامراض
خايفين على شعبهم طبعا
مش احنا يا حسره علينا
بيجيبولنا المرض لحد بيتنا
تفتح التليفزيون يجيلك مرض
ايوه سامعك ياللى بتنادى
تشرب من الحنفيه يجيلك مرض
وكتير وكتير
طبعا انا منقطع عن اخبار مصر
كل فين وفين على ما بسمع حاجه عن مصر
حد يقولى ليه
ايوه
هنا لو متعبتش فى الشغل
هتتعب من خبر عن مصر
يبقى اتعب فى الشغل احسن
واروح اشوف اذا كان عندى غسيل :(
ولا اى مهمه من مهام العزاب
المهم
سلمولى على مصر سلمولى
وقولولها اياك الجنيه يغلى سعره
طبعا فاهمين ليه :)
ويلا سلام بقى قبل ما صاحب الشغل يجى
:)
10 Responses
  1. غير معرف Says:

    ربنا يقويك على الغربه

    اخر الاخبار ان شيخ الازهر توفاه الله

    ربنا يوفقك

    تحياتي


  2. sony2000 Says:

    يارب تكون هناك كويس وتكون صوره حلوه عن المصريين كدا
    وانا هقولك الجديد
    شيخ الاذهر توفاه الله_الرئيس الحمد لله بقي كويس بعد عمليه المراره اللي عملها فالمانيا
    وفي حجات كتتتتير اوي لو عاوذ تعرفها هتلاقيها فالجرايد الاكترونيه المصريه
    يارب ترجع لينا بالسلامه
    تقبل مروري وتحياتي


  3. OlivE Says:

    ربنـــــــــــــا يوفقك يارب

    وكويس الحمد لله انك أتأقلمت على الوضع عندك

    وان شاء الله قريب تتابع اخبار مصر وتابع التدوين تانى :)


    سلامك هيوصل لمصر شبر شبر D:


    سلامى


  4. , المهم أنا كمان في الكويت tarek_cema2000@yahoo.com


  5. ربنا يقويك ويرززقك ويرجعك بالسلامة إن شاء الله


  6. \\ فتاه من الصعيد
    الله يخليكى
    والبقاء لله ورحم الله امواتنا وجميع اموات المسلمين
    تحياتى


  7. \\ sony2000
    المصريين هنا عاملين شغل جامد
    هما اللى بنوا البلد اصلا :)
    والاخبار المصريه بتجيبلى اكتئاب
    والواحد مش ناقص اصلا هتبقى غربه واكتئاب :)

    ومنورانى والله


  8. \\ OlivE
    ازيك يا زيتونه
    اخبارك ايه
    تابعت انا معظم كتاباتك بس والله ما بلاقى وقت اعلق

    وشكرا على مجهودك فى انك تقولى كل سنه وانت طيب
    محدش هنا قالهالى :(
    ومتنسيش توصلى سلامى لمصر


  9. \\ هتشوفوا

    منورنا والله
    ومنور الكويت :)
    وجارى اضافتك


  10. \\أم .. بوبه
    ايوه ايوه ادعيلى انا فى حاجه لاى دعوه والله
    متشكر يا ام بوبه


Related Posts with Thumbnails