اللهم ولى على مصر من يصلح حالها يارب العالمين
صاحب رأى


كل عام وانتم بخير


طبعا مش محتاجين اقولكم انكم وحشتونى جدا ووحشنى البلوج اوى


يااااااااااااااه بقالى كتير مدخلتش هنا


معلش الظروف بقى


كان نفسى اقضى العيد فى مصر بس الحمد لله على كل حال وان شاء الله رمضان الجاى اكون فى مصر


وحشتونى اوى والله


ناس كتير اكيد كانت منتظرانى هنا


ناس قلوبهم بيضا بجد


احب اقولهم انى دايما فاكرهم بالخير


وربنا يسعد ايامنا كلنا يارب




بصوا بقى دا اول عيد ليا هنا


كنت متعود كل عيد اقابل الناس الجميلة والطيبه اللى اتربيت بينهم


طبعا مفتقدهم جدا


كنت بصلى العيد فى الخلاء


بس هنا صعب انى اعملها




العيد هنا ببساطه خالص تروح تكبر و تصلى صلاة العيد بالمسجد ولو هتحضر الخطبه وكدا


وتروح تكلم اهلك واحبابك وبعدين تنام على طووووووووول


هو دا العيد هنا ، يبقى اللى فى مصر يحمد ربنا ويبوس ايده وش وضهر لانه فعلا عاش العيد وفرحته






وانا صورت صورة للناس بالمسجد لذكرى اول صلاة عيد ليا خارج مصر


اشوفكم على خير وعساكم من عواده وعيدكم مبارك والله نفسى اغير كلمة مبارك بس اهو قدرنا بقى يلزق فى كل حاجه




موضوع المقال
5 Responses
  1. OlivE Says:

    السلام عليكم

    مصدقتش والله نفسى انك كتبت حاجة جديده

    كل سنه وانت طيب وعيد سعيد عليك

    وربنا معاك فى غربتك

    اطمنك الامن مستتب هنا فى مصر وكله حاجة زى ما هى متخفش :(


    سلام


  2. وعليكم السلام ورحمه الله
    ازيك يا زيتونة البلوجات كلها

    والله كفايه عليا تعليقك الجميل دا بالدنيا كلها
    حسستينى انى مهم
    ربنا يسعدك يارب دايما

    وكل سنه وانتى طيبه يارب

    وبالمسبه لمصر اكيد هنتكلم كتير عنها بس بعدين بقى :D

    سلام


  3. كل سنه وانت طيب

    وان شاء الله العيد الجاي تكون معانا

    تحياتي


  4. عيد سعيد وربي يجعل ايامك كلها أعياد


  5. العيد الكبير قرب أخي ترى أين أنت؟

    ايامك ربي يجعلها كلها أعياد


Related Posts with Thumbnails