طبعا الكل يعرف بخبر احتراق مجلس الشورى المصرى . من الجيد ان الجميع يعرف الخبر ولكن ما يحزن فعلا هو ان المعظم سعيد بهذا الخبر ، الذى وقع على مسمعى وكانه خبر وفاة لكرامتى وتاريخى فى آن واحد .
عندما سمع الناس خبر الحريق فرحوا وهللوا وكأن ما تم احراقه هو الكنيست الاسرائيلى ، احسست عند هذه اللحظه بخطوره الموقف وما اوضحه لى ولغيرى بمسأله عدم انتماء المصرى لوطنه ومدى كراهيته لبلده بسبب النظام ، والمصيبه الاكبر لو كانوا لا يدركون طبيعة مثل هذا الحريق وما غرضه .
اعتقد ان الكثير يظن ان بحرق هذا المجلس هى اهانه للحكومه او ضرر لها ، ولكن على العكس .
انها اهانه للشعب نفسه ، فاذا نظرنا للخسائر ستجد انها تتمثل فى ملفات قضايا كل من عباره السلام 98 المنكوبه والتى حكم على المتهم فى هذه القضيه بالبراءه المهينه لكرامه الشعب وأمانه ، سنجد ايضا قضيه الدم الفاسد ، وقضية المبيدات المسرطنة ، وقضية قطار العياط ، وقضية احتكار سوق الحديد للباشا الكبير زعيم الاقتصاد المصرى احمد عز ، وغيرها من القضايا التى كشف عنها نواب المعارضه ، كلها كانت توجد فى الارشيف ، والذى اعلن رجال الاطفاء ان النيران التهمت الارشيف بالكامل .
الذى يحير ايذا ما قاله صفوت الشريف و فتحى سرور حول موضوع الاوراق والملفات حيث قال فتحى سرور ان النيران لم تلتهم الاوراق وان الاوراق سليمه ، كيف تكون الاوراق سليمه والارشيف يقع فى الطابق الثالث وهو الطابق الذى احترق بالكامل .
كنت اود ان ينظر الشعب اللى مثل هذه النقطه وكيف جعلنا النظام يستغل كرهنا له لمصلحته ، لن اقولها صراحه ولكن الجميع يعرف من هو المستفيد من حرق مثل هذه الملفات .

اذا نظرنا لمجلس الشورى من الناحيه التاريخيه سنجد ان هذا المبنى انشأ فى القرن التاسع عشر اى يعنى الكثير فى التاريخ السياسى لهذا البلد ، كيف يفرح الشعب اذن بحرق تاريخه .
كان سيحق للشعب فعلا ان يفرح اذا كانت الحكومه بداخل المجلس وقت الحريق ولكن يالها من مصيبه فقد توفى امين شرطه واصيب 13 مواطنا مدنيا .
لا تفرح يا شعب مصر الحبيبه ، سوف نتحمل جميعا بناء هذا المجلس من جديد ، فاستعد يا شعب لتحمل نفقات البناء التى سوف تتمثل قريبا فى بضعه قوانين تعمل على زياده الدخل فى خزائن الدوله وبالتالى سيقوم النظام الحاكم باخذ جزء للبناء والجزء الآخر لبنوك سويسرا .
افرح يا شعب ....
افرح يا شعب....
افرح با شعب....
والله اتمنى ان تأتى مصيبه وتأخذ الشعب كله .
حاسس انى مخنوق جدا من اهل البلد دى ، يارب اخنق شعب مصر كمان وكمان .
عن طريق احدى غرف الدردشه على الانترنت وجدت عنوان لمدونه اسمها (همسات حائره) ، وبعد تصفحى للمدونه وجدتها ملكا لشاعره جديده ، ولدت لتمتعنا بقلمها الرائع ، اتمنى ان تستمر فى الكتابه ولا تنقطع ابدا لان بانقطاعها سنخسر الكثير .وجدت فى احدى مواضيع المدونه ما يرشدنى الى قصيده للشاعره المصريه صاحبه المدونه الجميله .الحرافيش ليست الا شعرا وكلام جميل نابع من قلب مصرى , بهذا الاسم وجدت عنوان القصيده (الحرافيش) .احببت ان اقدم اليكم هذه القصيده بعد استأذان الكاتب لحمايه الحقوق الفكريه .اليكم قصيده الحرافيش
ياللى رايح وياللى جاى
ياللى عارف باللى جاى
وياللى عارف باللى فات
ياللى عارف انه مات
التاريخ والذكريات
وابتدا واقع جديد
الدهب يصبح حديد
والدم يبقى صديد
والقرش يبقى عنيد
والضمير يصبح وئيد
والمولود لما يفتح عنية
يفقعوها بسيخ حديد
ياللى واخد عالسكات
ياللى عايش فذكريات
ياللى فحياتك كل همك
انك على حالك تطلع نكات
يا ترى انت صحيح
يا ترى انت صريح
واجة نفسك بنفسك
وخلى التليج عندك يسيح
جدك كان فلاح فصيح
وكان لسانه ديما صريح
جدك كان ربان ونوتى
وعمرة مخاف من موج و ريح
جدك كان بيقول مثل مش شنكوتى
يا واكل قوتى يا ناوى على موتى
يا واكل قوتى يا ناوى على موتى
يا ناوى على موتى طال سكوتى
طال سكوتى و الانتظار
طال ليلى ونفسى فنهار
دا بلدى فيها اطول الانهار
وديما الخير فيها فكل دار
ايه سبب وكستنا والانهيار
وليه نربط نفسنا بدولار
والخواجة الامريكانى
فوشنا بينفخ سيجار
يا ترى لامتى السكوت
والفكرة اللى بتخلينا نموت
دا اكل وشبع واللى جاى هايكون هلفوت
من امتى الجشع ليه شبع
ومن امتى الطماع بيبقى ورع
الجشع بيجيب جشع
والطمعان بيذيد طمع
فككم بقا عقلى اتخلع
من سكوت ومن جمود
ومن ضمير مالهوشى صوت
صوت بزمتك دا صوت
بص شوف فى الانتخابات
من غير تريقة ولا اشتغالات
البلطجية والسادة الظباط
فاليوم دهوا بيكونوا اخوات
وخلى صوتك يعدى يفوت
هاتنضرب بالشلوت
ومش بعيد مالضرب تموت
وتيجى تقلى صوت
صوت بقا دا صوت
صوتك تملى سويط وعياط
ياما فخناقة وتفرد عضلات
ويا سلام لو مع الاخوات
تعمل رجولة وسبع الشات
وكأن الرجولة فسب البنات
بكفايه بقا شبعنا اشتغالات
ناقصلك طرحة وكومبليزون
طال اللسان والصوت مكتوم
وتسمع كلام مالهوش مضمون
وهاتيك سب بدون اسباب
الا الضياع والعيشة الهباب
عشان ضميرنا بقا فغياب
بنطلع على الغلابة بس الانياب
راجل دى كلمه وليها معنى
مش بالسباب وجعتوا دماغنا
راجل ترجل مشى عالارض
عارف حقوقة وعارف الفرض
عارف الشهامه وحافظ العرض
مش زيكم مقضيها بالطول والعرض
راجل دا ابويا واخويا
هو اللى يقدر يحمينى
مش زيك من علف الصويا
ناقصك ملاية واشارب باويا
ونازل شتيمة محمينى
راجل دا انسان موزون
كلامه تملى ليه مضمون
والكلمة تطلع بالف حساب
وعمرة مكان طويل الانياب
ولا يقل ادبة باى سباب
راجل دا كان زمان بيعدى
من ايام جدك وجدى
دلوقتى بقا افلام هندى
متسكت بقا وكفايه تحدى
حتى التحدى فافلامنا
نجيب محفوظ قدمهالنا
عن حرامية سرقم مالنا
وهانو حريمنا وضربوا عيالنا
طلعلهم انسان حرفوش
قلب برىء مفوهشى رتوش
داق المرار وسنين ساكت
لحد النفوس بالهموم شاخت
قالك انا هافضل ساكت
لحد ماموت بالشلوت
مسك نبوتة واتحدى
وهاتيك ضرب بكل مودة
لرئوس الفتوات فالحتة
مش بالشتيمة ولا بالفته
ولا بفضايح فى الحتة
اعرف عدوك وازاى تلاقية
مش اى حد تفش غلك فيه
دنتا الامل ربنا يحمية
ومن كل قلبنا ربنا يهديه
ارجع لاصلك خليك راجل
ومتبقاش علينا حمام زاجل
ارجع لاصلك خليك راجل
دا طلب ضرورى طلب عاجل
ارجع لاصلك خليك راجل
عدل طريقك متبقاش جاهل
ارجع لاصلك خليك راجل
عيشة الحرية مش بالساهل
عيشة الحرية مش بالساهل
* للكاتبه :- ريم محمود صاحبه مدونه همسات حائره
اتمنى تكونوا استمتعتم بيها مثلى واكتر .
لا استطيع ان اتمالك اعصابى وذلك ليس غضبا انما من الضحك . قد قلت فى المقاله السابقه عن اهالى الضحايا فى عباره السلام 98 التابعه لشركه السلام للنقل البحرى هل يشتكون الى بوش ؟
ويا لها من مفاجأه عندما اقرأ الخبر الذى يقول ان اهالى الضحايا سوف يتوجهون الى المحكمه الدوليه لحقوق الانسان ومقرها امستردام .
وحدث ذلك عن طريق اتصال هاتفى من بعض رجال الاعمال بهولندا بمحامى الضحايا ، حيث اقترحوا عليه هذا الاقتراح وعرضوا تحمل تكاليف سفر واقامه الاهالى بهولندا حتى يحصلوا على حقهم من ممدوح اسماعيل .
خلاصه الموضوع لو اراد شخص ما مصرى ان يأخد حقه من مسئول كبير وله وضعه فى الحكومه سيحصل عليه لكن خارج مصر.
* على رأى المثل "هم يضحك وهم يبكى".
* ملحوظه:-
* اكيد كلنا عرفنا لماذا كانت تقلل الحكومه من استقلال القضاء المصرى حتى اصبحت الحكومه هى من تحاسب نفسها .