طبعا من العنوان
بتقولوا مجنون وعاصى وكلام من الشكل دا
بس انا فعلا قولت الكلام السليم
تعالوا مع بعض نقاطع شهر رمضان اللى مليان مسلسلات وبرامج وفوازير واكل ونوم وسهر على الكافيتريا وغيره وغيره
تعالوا نتجمع كلنا على رمضان اللى مليان خير وقرآن وقيام الليل وصوم صحيح عن كل شىء يغضب الله
اكيد كده اللى قصدته واضح للكل
من اكتر من شهر والفضائيات شغاله فى اعلانات عن المسلسلات
عدد لا حصر له من المسلسلات
منها ما هو جدير بالاحترام ومنها ما لا يجب رؤيته
ولكننا لن نقول لربنا هذا يوم ان نسأل
فلا يوجد وقتها ماهو محترم ولا اى شىء سوى عملنا
لذلك هذه هى الدعوه لمقاطعة رمضان
رمضان اللى اتعودنا فيه على السهر
طبعا السهر مش فى حاجه مفيدة
السهر على المسلسلات
يجب ان نحوله فى السهر على الطاعة صلاة كانت او قراءة القرآن
من منا يصل رحمه فى ذلك الشهر بدلا من الجلوس على المقهى او غيرها
من منا يختم القرآن مرة على الاقل فى ذلك الشهر
مش دا هو القرآن اللى كلنا بنهجره طول السنة
ونروح فى رمضان فى اول يوم نفتحه نلاقى عليه تراب
بقالنا كتير مش بنمسكه حتى
هذا هو شهر القرآن ويجب ان نقضيه فى طاعة الله
ان كان ولا بد من التليفزيون فى قنوات كتير دينية ومفيدة
حاول تستغل الشهر انك تتعلم وتقرأ فى دينك اكتر
فى مسابقات دينية فى كل مكان ابتداءا من اول يوم فى رمضان
حاول المشاركة فيها وتعلم
حاول تكتر من اعمال الخير
فى مجالات كتير اوى تقدر تقدم فيها الخير
اعطف على مسكين وافطره
صدقات جارية كتير
هتلاقى مليون طريقه للخير
ليه بتحسب ميزانيات لرمضان
دا شهر صيام
يعنى مش لازم تتباهى بالاكل الكتير
والمغريات دى
اوعى يفوت عليك رمضان وانت بتاكل
اعتبر اليوم فى رمضان زى اى يوم
نفس الاكل الطبيعى
دا صيام يا نااااااس
بنفضل ناكل لغايه ما نحس اننا مش قادرين نقوم
وبكده بتفوت علينا صلاة التراويح
الا من رحم ربى
احذر من ما بعد رمضان
اعمالك فى رمضان سوف تقيك باذن الله
انها فرصة كل عام للهروب من مصيدة الشيطان
وفى النهاية
ادعو لى ولكم
"تقبل الله منا ومنكم صالح الأعمال والطاعات"
وأدعو لأبى بالرحمة والمغفرة وأن يسكنه الله فسيح جناته
اللهم آمين
جزاك الله كل خير على التذكير والاهتمام بنشر الموضوع دا
وربنا ان شاء الله يتقبل منا سجودناوركوعنا وقيامنا ن شاء الله تعالى
ربنا يغفر لينا جميعا ويتقبلنا فى هذا الشهر الكريم
جزاك الله كل الخير يارب
ويارب يرحم والدك ويدخله فسيح جناته ان شاء الله ويبارك فيك ويجعلك ابن صالح له ان شاء الله
جزانا الله واياكى كل خير ان شاء الله
وشكرا على مرورك الكريم
اللهم استجب دعواها ودعوانا ودعوات المسلمين اجمعين
كل سنة وانت طيب
ورمضانك مبارك ان شاء الله
تقبل الله منا ومنكم يا أحمد باشا
وعقبال ما ابارك لك على الشهادة
والاعفاء من الجيش
جميل اوي يا حشمت
اسلوبك بيعجبني اوي يا باشا
جزاك الله خيرا
وكل سنه وانت طيب
متشكر جدا يا ابو غانم على كلامك الجميل دا
وكل سنه وانت طيب يا باشا
واتمنى ان كلامى يعجبك على طول