السلام عليكم يا اخى ويا اختى فى الله
بجد وحشتونى جدا جدا
ووحشتنى الفضفضة والمناقشات اللى بتزودنا معرفة وادراك للحياة .
حد بقى يسمعنى اغنية "خلاص مسافر" لشادية .
أيون خلاص مسافر
تقريبا كلها ساعات وأغادر ارض الوطن الغالى .
محتاج بجد لدعاءكم عن ظهر قلب
مش شرط تكتب الدعاء فى الرد لمجرد المجامله
لا يا ريس ويا ريسه
ادعوا بذمة دانا جيت على نفسى وقولت اودعكم .
وان شاء الرحمن اللقاء القادم هتكلم معاكم عن اول شعور بالغربة
وطبعا انا مش عارف امتى اقدر استخدم النت تانى .
يعنى اشوف بلوجاتكم على خير
فى رعاية الله يا مدونين ويا مصريين
في رعايه الله
ترجع بالسلامه
تحياتي
انا اول دعوه :)
ربنا يهونها عليك يارب
يقصر لك ايامها
يرزقك خيرها ويصرف عنك شرها
يرزقك فيها صحبة الطيبين
يرجعك منها بنفس الروح والجسد اللي خرجت بيه واحسن كمان يارب
دعاء من مجربة وعارفة
جيت على نفسك وجيت ودعتنا
ما تغزنا بمطوه احسن طيب
هههههههههههههههه
ربنا يوفقك يارب
من قلبنا ياعم والله مش مجامله
بجد انا مش عارفه اقولك حاجة
ربنا معاك وييسر ليك الحال
وربنا يحميك من شر نفسك وشر الناس
وابقى طل علينا بقى كل شويه
أنا عمرى ما جربت أخرج منها ولا حابه أخرج منها
وفى رعايه الله
سلامى
ربنا معاك
وتقدر تاخد على الجو بسهوله
تروح وتيجى بالسلامه يامحمود,
ربنا يوفقك يارب ويبعد عنك كل سوء وشر,
تعرف بجد والله وانا بقرا البوست حسيت انك فعلا بتسلم علينا وماشى خلاص وانا مش بحب احساس الوداع ده:(
اتخضيت بجد.
اباه طمنا عليك فى اول فرصه ان شاء الله
في امان الله
ربنا يرجعك بالسلامة ان شاء الله
ربنا معاك ان شاء الله
توصل بالسلامة وتستقر على خير باذن الله
ربنا يحفظك
وييسر احوالك
امين
ربنا يهون عليك الغربة يارب
وترجع بالسلامة إن شاء الله
اخبارك ايه بعد معدى عليك اسبوع فى الغربه ؟
يارب تكون كويس وكله تمام ومرتاح.
متشكر جدا لكم ويارب تدوم المحبة
\\شكرا لفتاة من الصعيد
\\شكرا لستيته حسب الله الحمش
بما انك مجربة يبقى اكيد عارفه احساسى بدعاءك دا ايه
\\صبرنى يارب
انا اقدر برضو اغز بمطوه
اصل انا كنت مزنوق فى الوقت يوم ما كتبت الكلام دا :)
\\OlivE
يارب ما تخرجى منها لانها صعبة اوى
اقصد الغربة طبعا
\\حـــلـــم كــــان
الحمد لله بدأنا ناخد على الجو
\\الشعب لابد له من حكومه تشكمه
ازيك يا شيما يارب تكونى بخير
معلش بقى انى كنت بودعكم داخل مصر
بس ناس كتير كانت هتزعل لو مقولتش
على العموم النت موجود يخلينا نتواصل باذن الله
\\Sharm
شكرا يا ريس
\\MaNoOoSh
شكرا يا منووووش
ربنا يكرمك
\\sal
ربنا يحفظك ويكرمك
\\أم .. بوبه
شكرا يا ام بوبة ، ربنا يحفظك
\\الشعب لابد له من حكومه تشكمه
كان لازم ارد رد خاص ليكى والله
بعد ما شفت اهتمامك وردك لتانى مرة
ربنا يكرمك ويحفظك يا شيما
انا الحمد لله تمام وبخير
وبدأت اندمج مع الناس والحمد لله
تحياتى وسلاماتى