اللهم ولى على مصر من يصلح حالها يارب العالمين
صاحب رأى
الفيديو دا انا اللي عملته بنفسي
اكيد هيوفر عليا كلام كتير اوى ممكن اتكلم فيه
وكمان الوقت بقى ضيق اوى عشان مشروع التخرج

اتمنى انكم تستمتعوا بالفيديو والاغنية
اللي كلامها فوق الرائع وممتازه جدا
واتمنى نشوف آرائكم

غناء احمد سعد




موضوع المقال 2 عدد من شاركوا برأيهم |
ردود الأفعال: 
صاحب رأى
فى موضوعى "اموت واعرف السبب ايه ؟"
"احمد صلاح" ترك تعليقه
وكان سايب لى لينكات على مدونات

مدونة أنشودة المكان
لقيت فيها موضوع جميل يخص مصائب البلد بردو
واتأكدت وقتها ان فى ناس زيى هتنفجر من وضع البلد
وبدأت اشوف شعاع نور ان فى ناس بتفكر فى حال البلد
يبقى اكيد هيبقى فى تغيير قريب ان شاء الله .

مدونة عالم تانى
وهنا لقيت مناقشه على موض
وع اوباما
الناس عندها امل كبير اوى فى اوباما
لدرجه ان فى ناس بتقول ان مفيش زيه
علشان فعلا لعب على وتر المشاعر المصريه
وآيتين من القرآن
وبكده بقى هو المهدى المنتظر فى نظر الناس

انا كتبت تعليق على الموضوع
وهانقله هنا كموضوع بردو .

التعليق :
ــــــــــــــــــــــــــــــــــــــــــــــــــــــــــــــــــــــــ
اولا
احب انى اقول رأيى
ثانيا انا احترمته جدا لسبب واحد
دخل مصر وكان عنده هدف وعرف يحققه
انه كسب السذج او "الطيبين اوى"
احنا كلنا عارفين اننا شعب ماشى بقلبه مش بعقله
كلنا العاطفه بتأثر فينا وتسيطر علينا
وهو دخل لنا من المنطلق دا
وهاتك يا تصقيف وحب لاوباما

ثالثا سياسه امريكا هى سياسه امريكا
حتى لو حكمها مسلم واسمه محمد
كام واحد هنا يعرف تاريخ امريكا من البدايه حتى الآن
تاريخ امريكا كله قام على رأسماليه اليهود
اللى بيحركها اليهود
واللى بيصرف عليها من الآخر اليهود
والراجل قالها صريحه
"اللى بينهم وبين اسرائيل لا يمكن ينكسر ابدا"

لان اصلا اليهود اساس امريكا
فان ذهب اليهود ذهبت امريكا

حاولوا تقرأوا شويه فى الموضوع دا

وبلاش تحطوا امل على حد
احنا اللى نغير حالنا مش نستنى حد يغير لنا

ــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا مش عايز اطول فى الكلام
وفى الآخر كل واحد وله رأيه ووجهه نظره الشخصية والسياسية
ولكن عندى جمله واقفه فى حلقى
"كلامى صحيح يحتمل الخطأ ، وكلامك خطأ يحتمل الصواب"
وياريت محدش يزعل من الجمله دى
دا رأيى .
تحياتى

موضوع المقال 2 عدد من شاركوا برأيهم |
ردود الأفعال: 
صاحب رأى
اتمنى النجاح لك والله يا زيدان
واتمنى انك تحقق نجاح فى حياتك
وتنجح مع المنتخب اكتر واكتر

فرحتلك اوى يا زيزو وياريت دا مش يقصر على مستواك مع المنتخب

موضوع المقال 1 عدد من شاركوا برأيهم |
ردود الأفعال: 
صاحب رأى
" آه يا بلد ليه حبيبتك "
اللى بيحب سينما هيفتكر الجمله دى من فيلم "كاراتيه" بتاعت احمد زكى رحمه الله

طبعا استحاله نلاقى ناس لسه بتحب البلد بعد كل اللى بنشوفه ونسمعه وبنحسه وبنعيشه
اموت واعرف السبب ايه؟

ليه الحكومه دايما مغيبه
وليه احنا مش نحب نعالج مشاكلنا وهى صغيره ونستنى لما تكبر ومش تبقى قابله للحل ؟

الايام دى الحكومه بدأت تعرف وتسمع عن عمليات ومؤامرات اسرائيل فى حوض النيل
علشان يقللوا حصه مصر من مياه النيل
ههههههههههههههه
والله هاموت من الضحك على خبر زى دا
احنا من زمان عارفين الكلام دا
وبنتكلم فيه وبنقول باعلى صوتنا "فوقى يا حكومه النيل بيضيع"
ولا حياه لمن تنادى
كان المفروض نعمل شويه تعديلات
فى
اتفاقيات حوض النيل
بس مين يعمل بقى

وكان فى ناس ربنا يصلح حالهم
وطبعا مش موجودين دلوقتى فى مجلس الشعب
والله اعلم راحوا فين؟
كانوا بينادوا بنفس الكلام من اكتر من 10 سنين
علشان الحكومه تتحرك وتعمل حاجه !!!
حسبى الله ونعم الوكيل
أموت واعرف السبب ايه ؟

مصيبه اكبر واشد وبتعلى الضغط عندى
"تصدير الغاز الى اسرائيل"
الشعب كله رافض الاتفاقيه
، وبردو مش عارفين نوقف تصدير الغاز
مش كده وبس
دا كمان الحكومه بتقولنا "طز"
وتعلى نسبة الت
صدير 50% بنفس السعر الرخيص اللى اتنيلوا واتفقوا بيه
اموت واعرف السبب ايه ؟

وزارة الصحه ويا لها من وزارة؟
"مستشار وزير الصحه" بياخد رشاوى من شركات ادويه
علشان يدخلوا البلد ادويه فاسده
ط
ب ليه يابن "....."
هى البلد ناقصه لما احاول اعالج مرضى بدواء فاسد
اموت واعرف السبب ايه ؟

القمح الفاسد و الذره الفاسده !
احنا البلد اللى كنا بنصدر قمح بقينا بنستورده
وكمان ايه
مش قمح طبيعى كده
لا
دا قمح على اعلى مستوى
السموم اللى فيه تكاد تكون غير مصنفه
يعنى هتموت هتموت
هو ايه اللى بيحصل بالظبط؟
معنى كده اننا بسم الله ما شاء الله
معدتنا بمب وبتستحمل
اموت واعرف السبب ايه ؟

وكله كوم
ولا مؤاخذه فى اللفظ
"الحمير" اللى كانوا بيصقفوا لاوباما على كل كلمه يقولها
وكانه زعيم الامه والمهدى المنتظر
او مش بيعرفوا انجليزى اصلا
ولما بيقف فى الكلام يصقفوا
واهو مولد ونشبع فيه تصقيف
ومش واخدين بالهم ان اوباما كان بيتكلم بالطريقه دى
"احنا عاوزين نحب الاسلام ونحترمه لكن لازم تحترموا امريكا اولا"
الصراحه انا احترمت فيه انه حقق هدفه من زياره مصر
وهو الضحك
علينا واللعب بعواطفنا وثبتنا بكلمتين من اجمل ما يكونوا
وكان معنى الخطاب كله انا الخصه فى جمله:
"احنا بنعمل لمصلحتنا جميعا علشان كده لما اعمل اى حاجه اوعى حد يقولى غلط"
اموت واعرف السبب ايه ؟

البلد لازم يحصل فيها نظام وتظبيط
امتى؟
لما اشوف مسئول مهم هيسافر من الطريق دا
او هيروح هنا او هناك من هنا
لازم يكون الطريق فيه ورد
ويتسفلت
استغفر الله العظيم
اموت واعرف السبب ايه؟

الاعلام ومصايبه
بنتبسط اوى وقت الفضايح
وتلاقى كله شغال ميه ميه فى البرامج
ويا سلام على التقطيع يا باشا
لكن هات لى برنامج يحاول يشجع مواهب مصريه على الابتكار ويساعدهم
او يساعد اسره فقيره
لا احنا نحب نتفرج وبس
ويا عينى على الحزن واليأس

و"هيفا وهبى" بتمثل
نو كومينت خالص
ومش هنطق
اموت واعرف السبب ايه ؟

بجد بقيت حاسس انى غريب عن بلدى
بقيت حاسس انى فى غربه فعلا
ومش عارف ارجع لبلدى ازاى
مش لاقى لها طريق
حاسس باليأس لدرجه انى بكلم نفسى اكتر ما بتنفس
علشان كده قولت اكتب البوست ده
يمكن ارتاح واعرف انام
واحس انى بحاول اعرف الطريق وبكسر اليأس
اموت واعرف السبب فين ؟
موضوع المقال 2 عدد من شاركوا برأيهم |
ردود الأفعال: 
صاحب رأى
من زمان وانا بقول الجمله دى فى اى ازمه تقابلنى
انسى اعمل حاجه مهمه ، تضيع منى فرصة .

"لا فائدة من البكاء على اللبن المسكوب"

اه بزعل على ضياع الشىء ، لكن مش بهبط بمعنوياتى للأرض
لازم تقوى من نفسك وتتعلم من خطأك وتثق فى نفسك وقدرتك .

لما نيجى نشوف بقى المنتخب المصرى وليله البارحة وما اوجعها من ليلة ؟
الناس كلها من امبارح متحطمه وبتحطم فى روح الفريق
مع انك خلاص زعلت من النتيجه والأداء السىء ، ليه تحطم فريقك بقى
ليه مش تقف وراه وتساعده انه يتعلم ويعدى من درس الجزائر .

عندك امل او عندك يأس فى الوصول مش مشكلتنا ، المهم تقف ورا بلدك وتقويها مش تضعفها .
وانسى بقى الخلافات اللى بين الانديه ،انت بتشجع المنتخب كله مش واحد آه وواحد لأ .

خلينا نشارك منتخبنا بمؤازرته فى محنته ، كما فرحنا معه فى انتصاراته .
ولا نسينا الفرحة والانتصارات والكلام الجميل عن المنتخب .

اتمنى اننا نفضل نحب منتخبنا ونشجعه ، علشان نلاقى منه روح ونتيجه نرضى بيها .
ولا تنسوا
"لا فائدة من البكاء على اللبن المسكوب"

موضوع المقال 3 عدد من شاركوا برأيهم |
ردود الأفعال: 
صاحب رأى


استر يارب النهارده
والله خايف اوى من مباراه اليوم
مباريات مصر والجزائر بتبقى زى الحرب بالظبط
وربنا يستر ، لان الواحد مش ناقص نكد
المنتخب هو الحاجه الوحيده اللى ممكن تفرحنا شويه النهارده
اتمنى اننا نرجع من الجزائر بالثلاث نقاط .
يارب يارب يارب

علشان نتساوى مع زامبيا
ونجدد املنا فى تحقيق حلم المونديال بقى

وبخصوص كأس القارات ، انا مش عايز غير اننا نطلع منه بهزيمه خفيفه بعد اللى عملته البرازيل يوم امس فى أوروجواى .

يارب نكسب النهارده !!!!!!

موضوع المقال 5 عدد من شاركوا برأيهم |
ردود الأفعال: 
Related Posts with Thumbnails