اللهم ولى على مصر من يصلح حالها يارب العالمين
صاحب رأى
عن طريق احدى غرف الدردشه على الانترنت وجدت عنوان لمدونه اسمها (همسات حائره) ، وبعد تصفحى للمدونه وجدتها ملكا لشاعره جديده ، ولدت لتمتعنا بقلمها الرائع ، اتمنى ان تستمر فى الكتابه ولا تنقطع ابدا لان بانقطاعها سنخسر الكثير .
وجدت فى احدى مواضيع المدونه ما يرشدنى الى قصيده للشاعره المصريه صاحبه المدونه الجميله .
الحرافيش ليست الا شعرا وكلام جميل نابع من قلب مصرى , بهذا الاسم وجدت عنوان القصيده (الحرافيش) .
احببت ان اقدم اليكم هذه القصيده بعد استأذان الكاتب لحمايه الحقوق الفكريه .
اليكم قصيده الحرافيش


ياللى رايح وياللى جاى

ياللى عارف باللى جاى

وياللى عارف باللى فات

ياللى عارف انه مات

التاريخ والذكريات

وابتدا واقع جديد

الدهب يصبح حديد

والدم يبقى صديد

والقرش يبقى عنيد

والضمير يصبح وئيد

والمولود لما يفتح عنية

يفقعوها بسيخ حديد

ياللى واخد عالسكات

ياللى عايش فذكريات

ياللى فحياتك كل همك

انك على حالك تطلع نكات

يا ترى انت صحيح

يا ترى انت صريح

واجة نفسك بنفسك

وخلى التليج عندك يسيح

جدك كان فلاح فصيح

وكان لسانه ديما صريح

جدك كان ربان ونوتى

وعمرة مخاف من موج و ريح

جدك كان بيقول مثل مش شنكوتى

يا واكل قوتى يا ناوى على موتى

يا واكل قوتى يا ناوى على موتى

يا ناوى على موتى طال سكوتى

طال سكوتى و الانتظار

طال ليلى ونفسى فنهار

دا بلدى فيها اطول الانهار

وديما الخير فيها فكل دار

ايه سبب وكستنا والانهيار

وليه نربط نفسنا بدولار

والخواجة الامريكانى

فوشنا بينفخ سيجار

يا ترى لامتى السكوت

والفكرة اللى بتخلينا نموت

دا اكل وشبع واللى جاى هايكون هلفوت

من امتى الجشع ليه شبع

ومن امتى الطماع بيبقى ورع

الجشع بيجيب جشع

والطمعان بيذيد طمع

فككم بقا عقلى اتخلع

من سكوت ومن جمود

ومن ضمير مالهوشى صوت

صوت بزمتك دا صوت

بص شوف فى الانتخابات

من غير تريقة ولا اشتغالات

البلطجية والسادة الظباط

فاليوم دهوا بيكونوا اخوات

وخلى صوتك يعدى يفوت

هاتنضرب بالشلوت

ومش بعيد مالضرب تموت

وتيجى تقلى صوت

صوت بقا دا صوت

صوتك تملى سويط وعياط

ياما فخناقة وتفرد عضلات

ويا سلام لو مع الاخوات

تعمل رجولة وسبع الشات

وكأن الرجولة فسب البنات

بكفايه بقا شبعنا اشتغالات

ناقصلك طرحة وكومبليزون

طال اللسان والصوت مكتوم

وتسمع كلام مالهوش مضمون

وهاتيك سب بدون اسباب

الا الضياع والعيشة الهباب

عشان ضميرنا بقا فغياب

بنطلع على الغلابة بس الانياب

راجل دى كلمه وليها معنى

مش بالسباب وجعتوا دماغنا

راجل ترجل مشى عالارض

عارف حقوقة وعارف الفرض

عارف الشهامه وحافظ العرض

مش زيكم مقضيها بالطول والعرض

راجل دا ابويا واخويا

هو اللى يقدر يحمينى

مش زيك من علف الصويا

ناقصك ملاية واشارب باويا

ونازل شتيمة محمينى

راجل دا انسان موزون

كلامه تملى ليه مضمون

والكلمة تطلع بالف حساب

وعمرة مكان طويل الانياب

ولا يقل ادبة باى سباب

راجل دا كان زمان بيعدى

من ايام جدك وجدى

دلوقتى بقا افلام هندى

متسكت بقا وكفايه تحدى

حتى التحدى فافلامنا

نجيب محفوظ قدمهالنا

عن حرامية سرقم مالنا

وهانو حريمنا وضربوا عيالنا

طلعلهم انسان حرفوش

قلب برىء مفوهشى رتوش

داق المرار وسنين ساكت

لحد النفوس بالهموم شاخت

قالك انا هافضل ساكت

لحد ماموت بالشلوت

مسك نبوتة واتحدى

وهاتيك ضرب بكل مودة

لرئوس الفتوات فالحتة

مش بالشتيمة ولا بالفته

ولا بفضايح فى الحتة

اعرف عدوك وازاى تلاقية

مش اى حد تفش غلك فيه

دنتا الامل ربنا يحمية

ومن كل قلبنا ربنا يهديه

ارجع لاصلك خليك راجل

ومتبقاش علينا حمام زاجل

ارجع لاصلك خليك راجل

دا طلب ضرورى طلب عاجل

ارجع لاصلك خليك راجل

عدل طريقك متبقاش جاهل

ارجع لاصلك خليك راجل

عيشة الحرية مش بالساهل

عيشة الحرية مش بالساهل

* للكاتبه :- ريم محمود صاحبه مدونه همسات حائره

اتمنى تكونوا استمتعتم بيها مثلى واكتر .
موضوع المقال 2 عدد من شاركوا برأيهم |
ردود الأفعال: 
صاحب رأى
لا استطيع ان اتمالك اعصابى وذلك ليس غضبا انما من الضحك .
قد قلت فى المقاله السابقه عن اهالى الضحايا فى عباره السلام 98 التابعه لشركه السلام للنقل البحرى هل يشتكون الى بوش ؟
ويا لها من مفاجأه عندما اقرأ الخبر الذى يقول ان اهالى الضحايا سوف يتوجهون الى المحكمه الدوليه لحقوق الانسان ومقرها امستردام .
وحدث ذلك عن طريق اتصال هاتفى من بعض رجال الاعمال بهولندا بمحامى الضحايا ، حيث اقترحوا عليه هذا الاقتراح وعرضوا تحمل تكاليف سفر واقامه الاهالى بهولندا حتى يحصلوا على حقهم من ممدوح اسماعيل .
خلاصه الموضوع لو اراد شخص ما مصرى ان يأخد حقه من مسئول كبير وله وضعه فى الحكومه سيحصل عليه لكن خارج مصر.

* على رأى المثل "هم يضحك وهم يبكى".

* ملحوظه:-
* اكيد كلنا عرفنا لماذا كانت تقلل الحكومه من استقلال القضاء المصرى حتى اصبحت الحكومه هى من تحاسب نفسها .
موضوع المقال 2 عدد من شاركوا برأيهم |
ردود الأفعال: 
صاحب رأى

من المسئول عن قتلى عباره السلام 98 التى ضاع ضحيتها وضحيه اهمال صيانتها وانتهاء فتره صلاحيتها 1038 شخص او اكثر .
يا سياده الرئيس ، انت مسئول عن هذه الارواح التى اهدرت بغير ذنب ، وسوف تحاسب باذن الله يوم القيامه على هذه الارواح التى ضاع حقها فى عهدك وتحت ولايتك .
كيف يحصل ممدوح اسماعيل على براءه من هذه التهمه وهى القتل العمد اعتمادا على القانون وكما وجه محاميو المجنى عليهم هذه التهم اليه .
بالطبع يعرف الجميع ان العباره المنكوبه كان عمرها اكثر من 20 عاما ، ولذلك قام المتهم والجانى ممدوح اسماعيل برفع علم دوله بنما بدلا من العلم المصرى على العباره السلام 98 حتى يعفيها من الكشف عن صيانتها حسب القانون المصرى ، ولكن هذا لا يبرر حكم البراءه لانه تلاعب بارواح البشر حتى حدثت المصيبه .
تخيلوا معى عندما يسمع اهالى الضحايا خبر غرق العباه السلام وبعد ذلك يسمعون خبر براءه ممدوح اسماعيل.
ماذا يفعلون؟؟؟؟؟؟؟؟؟؟؟
ايتجهون بالله عليكم الى الرئيس بوش يشتكون اليه من هذا الحكم الطاغى ........
عند النطق بالحكم قام الامن المركزى بمحاصره الاهالى ليتحكمون فى غضبهم ، الى متى سنظل فى سباتنا هذا ؟؟؟؟؟؟؟
للاسف حصل ممدوح اسماعيل وشركاه على حكم البراءه من هذه التهم .

* معلومات :-
- لم تكن هذه العباره هى الحادثه الاولى التى تحدث فى شركه ممدوح اسماعيل .
- كان ممدوح اسماعيل معين كعضو بمجلس الشورى بقرار من رئيس الجمهوريه ، ولعلنا قريبا سنقول الجمهوملكيه .
موضوع المقال 0 عدد من شاركوا برأيهم |
ردود الأفعال: 
صاحب رأى
اسف بجد والله على انقطاعى عن الكتابه بالمدونه ، لكن غصب عنى ، الظروف بتمنعنى ادخل النت كتير .

دعواتكم معانا .

ياريت لو فى اى شخص ممكن يشترك معانا بمقاله كويسه ومفيده للكل يبعتها على ايميلى وانا انشرها على المدونه باسمه .
peak_spider2006@yahoo.com
وجزاكم الله كل خير .
موضوع المقال 0 عدد من شاركوا برأيهم |
ردود الأفعال: 
صاحب رأى

يهتم جميع رؤساء العرب الآن بالانتخابات الأمريكية ومن سوف يفوز بها هل هو "اوباما" ام "ماكين" اقوى المرشحين , عجبا من هؤلاء الحكام , هل ضعفت ملاحظاتهم الى هذا الحد , بدلا من ان ينظروا الى هذه الانتخابات والتى لن تغير من السياسه الأمريكية تجاه العرب , الا يستطيعون ملاحظه مدى الديموقراطيه التى تعيشها معظم البلاد الغربية حيث يستطيع الحاكم ان يحكم بلاده لمدة فترتين على الاكثر لكل فتره مده اربع سنوات .
زعماءنا العرب يجلسون على كرسى الرئاسة ولا يتركوه الا بأمر من الله برحيلهم , يمتصون دماءنا و يقتلون افكارنا طيله مدة حكمهم .
هل من الفخر ان يحكم السيد الرئيس حسنى مبارك مصر لمده سبعه وعشرون عاما , عانت خلالها البلد من البطالة والسرقة والاختلاس وهروب رجال الاعمال الى الخارج بالملايين واسمده مسرطنة وتعذيب للمواطنين فى اقسام الشرطة .
بدلا من ان يتم تعديل الدستور المصرى لخدمة ولى العهد "جمال باشا" كان الاولى ان يتم تعديل فتره الرئاسة وان لا تزيد عن فترتين , ولكن كيف يترك السيد الرئيس منصبه بعد هذا "النجاح" الذى حققه فى بلاده .
ومن الواضح الآن ان عملية توريث الحكم قد تمت بالفعل ولن يستطع احد ردعه الا بحل واحد والكل يعرفه .

بصراحه مصر جميله جدا واهلها ساكتين عن كل ما يحدث , يارب اجعل مصر كلها كالمحله الكبرى .


اشهد ان لا اله الا الله
واشهد ان محمد رسول الله
موضوع المقال 0 عدد من شاركوا برأيهم |
ردود الأفعال: 
Related Posts with Thumbnails