اللهم ولى على مصر من يصلح حالها يارب العالمين
صاحب رأى

ذات مرة وقع طائر في غرام وردة بيضاء

فقرر ان يصارحها بحبه

ولكنها رفضت

وقالت انا لا احبك


فظل يصارحها بشكل يومي

واخيرا

قالت له الوردة البيضاء

عندما يصبح لوني احمر سوف احبك ..


وفي احد الايام

اتى الطائر وقطع جناحيه ونشر دمه على الوردة

فتحول لونها الى الأحمر


فأدركت الوردة كم احبها الطائر

لكن الوقت كان قد فات لان الطائر قد مات


لذلك علينا احترام مشاعر الشخص الذي يحبنا

وسيظل يحبنا مهما مرت الايام

قبل ان يموت


كل مرة اقرأ فيها القصة دى

بحس ان الحزن دا جزء مننا

احنا اللى بنصنع الحزن بايدينا

واحنا اللى دايما بنبعد عن اللى بيحبنا

وبنقرب للى بيبعد عننا


ليه دايما مش بنختار الجانب الصح

ونختار اى جانب بيجى منه الجرح


عشان كدا

عندى مبدأ جميل جدا بمشى بيه

"خد اللى بيحبك"


المثل او المبدأ دا

بيمشى على موضوع الزواج وكدا

بس انا بمشيه على كل حاجه فى حياتى

سواء صديق او زميل

او اى انسان مهما كان بالنسبة لى


بس طبعا مش هاكره حد واقبل انى اقرب منه حتى لو بيحبنى


الكلام كله عن المعاملات الطبيعيه بينى وبين اى حد


عشان كدا لازم بجد ناخد بالنا من حاجه زى دى

بلاش نكسر ناس بتحبنا

ولما يبعدوا عننا نزعل اوى ونتأثر

لان وقتها لا فائده من البكاء


"لا فائدة من البكاء على اللبن المسكوب"
موضوع المقال
ردود الأفعال: 
9 Responses
  1. :)

    قصه صعبه اوى
    بس ممكن تحصل؟
    فى الحقيقه ممكن توصل للحد دا
    مش عارفه


    //خد اللى يحبك //
    هو انا مش فهمها اوى ازاى يعنى ما لازم انا كمان اكون فى حاجة من ناحيتى ليه
    مش خلاص هو يقولى بيحبنى اقوله انا وماله ويمشى الموضوع
    مينفعش


    انا بقى عندى مبدا تانى
    عامل الناس زى ما تحب الناس تعاملك
    يعنى عامل الناس باحترام وحب وتقدير هتجبرهم يعاملوك بالمنطق دا
    يعنى اخاف على مشاعر الناس من كلامى علشان الاقى اللى يخاف على مشاعرى من كلامه هقدر كلام الناس ومشاعرهم وظروفهم هلاقى اللى يقدرنى ويقدر مشاعرى

    انا بحب الاسلوب دا جدا وبحب اعامل الناس كلها بيه ولانى اتمنى ان كل الناس تحبنى وتحترمنى فانا مجبره اعاملهم كدا وعمرى ما هغلط فيهم



    عارف
    الحب دا بيبقى رزق من الله سبحانه وتعالى ومش مكتوب لكل الناس تعيشه او تمر بيه
    انا اقصد الحب الاحساس الصادق اللى دايما يكون نهايته حاجة سعيده لكلا الطرفين


    اممممممممممممممم

    دى وجه نظرى
    اسفه رغيت كتير

    بس القصه حلوه اوى
    سلمت يمينك
    :)


  2. Heshmat Says:

    \\قصه صعبه اوى
    بس ممكن تحصل؟
    فى الحقيقه ممكن توصل للحد دا
    مش عارفه\\

    هى فعلا ممكن تحصل لو الحب حقيقى

    //خد اللى يحبك //
    هو طبعا من حقك تعترضى
    بس الجمله دى بنقولها لما تيجى واحده تتجوز وتكون بتحب واحد تانى
    بس هو مش راضى يتقدم لها او مش بيحبها
    واتقدم ليها واحد بيموت فى حبها
    فا بنقول خدى اللى يحبك


    \\عامل الناس زى ما تحب الناس تعامل\\
    طبعا كلامك فى النقطة دى مفيش عليها اى خلاف
    بس الكلام دا مش مع اتنين بيحبوا بعض وعايزين بعض

    \\الحب دا بيبقى رزق من الله سبحانه وتعالى ومش مكتوب لكل الناس تعيشه او تمر بيه
    انا اقصد الحب الاحساس الصادق اللى دايما يكون نهايته حاجة سعيده لكلا الطرفين\\

    هو دا اللى قصدته
    بخصوص النهايه السعيده

    مش معنى انى اقول خد اللى يحبك يبقى الكلام عن الحب
    لا انا اقصد الزواج
    والصداقة
    وكدا
    يعنى لو فى واحد عرفت انه بيحبنى جدا وبيخاف عليا
    هل ابعد عنه ولا اتخذه صديق واحاول انى ابادله نفس الاحساس

    او مثلا ربنا رزقنى وحبيت واحده بس هى مش بتحبنى
    وعرفت ان فى واحده بتموت فيا
    ابعد عن اللى بتحبنى ولا اقرب منها واحاول انى احافظ عليها

    \\دى وجه نظرى
    اسفه رغيت كتير\\

    طبعا بحترم وجهه نظرك
    وبلاش كلمة رغيت كتير لانى سعيد برأيك جدا



  3. أنا النهارده
    مقتنعه جدا جدا بالموضوع دا
    فعلا خد اللى بيحبك
    مهما كانت الظروف او الوضع

    خد اللى بيحبك وبس

    على الاقل مش هيجرحك
    ولا هيجى عليك فى يوم من الايام
    وهيقدر كل حاجة فيك


  4. Heshmat Says:

    \\أنا النهارده
    مقتنعه جدا جدا بالموضوع دا\\

    سبحان مغير الاحوال
    من حال الى حال
    بس اشمعنى النهارده ؟

    \\على الاقل مش هيجرحك
    ولا هيجى عليك فى يوم من الايام
    وهيقدر كل حاجة فيك\\

    دا اكيد 100% اكيد

    وعلى فكره دا نفس موضوعك الاخير فى البلوج بتاعك
    تقريبا زيه


  5. أزال المؤلف هذا التعليق.

  6. Heshmat Says:

    خلاص
    زى ما تشوفى
    هههههههههه


  7. Ahmed Gaber Says:

    يااااااااااااااااه

    متأخره اوي القصه دي,
    انا شكلي سببت موت ناس كتير يا عمده

    بيني و بينك, انا كمان كنت بموت

    موضوع في الجون يا ريس


  8. Heshmat Says:

    Ahmed Gaber said...
    \\متأخره اوي القصه دي,
    انا شكلي سببت موت ناس كتير يا عمده\\

    ولا متأخره ولا حاجه
    ايه ياعم كل دول بيحبوك
    ههههههههههه

    \\بيني و بينك, انا كمان كنت بموت

    الف سلامه عليك
    ركز بس شويه

    \\موضوع في الجون يا ريس

    طبعا فى الجون مش اهلاوى ولا ايه
    هههههههههههه


Related Posts with Thumbnails