اللهم ولى على مصر من يصلح حالها يارب العالمين
صاحب رأى




السلام عليكم ورحمة الله وبركاته

مش لازم أقول ان مصر كلها وحشتنى

لأن دا شىء أكيد .

شكراً لكل مدون ولكل صديق دعا لى

ربنا يكرمكم ويصلح حالكم

على صوت كوكب الشرق اكتب اول موضوع فى غربتى

اكتر من 8 شهور مش بسمع اغانى

سمعتها مخصوص عشان احس بجو مصر

وبالمره اسمع لهجة مصرية أحسن من الهندى

الهنود هنا فى الكويت كتير جدا جدا

انا حاسس ان الهنود احتلوا الكويت من كتر ما بشوفهم

لكل بلد ريحه ولون وطعم

اه بجد مش تأليف

اول ما نزلت مطار الكويت

بقايا رائحة مصر اختفت

وتبدل الهواء المصرى بهواء كويتى

تغيرت رائحة الهواء واختلف لون المكان امام عينى

واصبح للمكان طعم آخر غير بلادى

ندخل فى نقطة الاختلافات

أولا اللهجة فى الكلام هنا صعبة جدا

يعنى اوقات واحد يكلمنى ومفهمش هو بيقول ايه

ويرد عليا ويقولى (مو تعرف عربى)

واتابعه بضحكة مع جملة "جديد بالكويت"

زى ما قلت ان الهنود منتشرين اوى

انا ساكن فى عمارة مليانه هنود

الشقة اللى جنبى هنود

أعوذ بالله على الريحة وقت ما يطبخوا

انا بكتب وحاسس بيها تانى

حاجه مقرفه فعلا

ويا سلام وانا راكب الباص بقى

كل الباص هنود وبحس بالخنقه

ولا الفلبينين ما اكثرهم

نتكلم عن نقطة مهمه كنت اسمع عنها كتير

كنت دايما اسمع ان الكويتين او العرب بصفه عامة

بيهينوا المصريين وبيكرهوا مصر

انا قابلت ناس كتير اوى من جميع الجنسيات

كويتى وسورى وفلسطينى وجزائرى

حتى الانجليز و الهنود والفلبيين

كلهم بيعاملوا المصريين باحترام وذوق

ودايما الكويتى ميتكلمش معايا الا لما يدعيلى

مثلا بيقول "يعطيك العافية"

ودايما بيكرر كلمة اخى فى كلامه معانا

ومن كام يوم اتكلمت مع واحد كويتى عن الغربة

رد على وقال

"ماهى غربة يا اخى ، نحن اخوة والكويت بلدك"

مش بنكر ان فى بعض التجاوزات

اللى بتحصل فى حق المصريين المغتربين

لكن كلها تجاوزات من الحكومات وليس الشعوب

اتكلم فى نقطة كمان

قابلت هنا واحد عربى سافر انجلترا عنده 19 سنه

طبعا بعد فتره من الزمن فى انجلترا

اخد جنسية انجليزية واعتقد انها اعظم الجنسيات الآن

لا تقولى امريكى ولا روسى

المهم هو شويه يكلمنى عربى وشويه يقلب انجليزى

الراجل دا شاف صورة ملكة انجلترا فى مجلة

تخيلوا رد فعله كان ايه !!!

قطع الصفحة اللى فيها صورة الملكة

وقعد يبوس فى الصورة وقطع حدود الصورة

وحطها فى محفظته مكان صورته

انا استغربت اوى !!!!
شافنى مستغرب فرد عليا بجملتين

"دى مش مسلمه بس جزمتها احسن منهم كلهم ، (الحدق يفهم)!!!!!"

اخر نقطة استحملونى بقى

انا عيد ميلادى كان يوم السبت 13/2 :)

(ايوه قبل عيد الحب بيوم واحد)

والحمد لله

محتفلتش لا بدا ولا بدا :)


بس كفاية عليكم كدا ، شكلكم زهقتوا

أشوفكم على خير يا احباب قلبى

والله بحبكم كلكم فى الله ، ومشتاق للقاء مدونين زى بتاع المنصورة

"سلمولى على مصر سلمولى"


ردود الأفعال: 
12 Responses
  1. محموووووووووووود,اييييييييييييييييه دااااااااااااااا

    شنو ؟؟انت فى الكويت؟متجول ياريال.

    طب مش تقول مكنتش هقلق عليك:)
    الكويت دى حبيبتى يامحمودبلدى التانى,
    وبسافرها كل فتره اخر مره من سنه ونص,

    يابنى ايه مش عاجبك مطار الكويت انت هتهرج؟؟؟
    على فكره الكوايته بيحبونا جداااا اوعى تصدق اللى يقولك انهم بيكرهونا دا مش صح,,,

    فى الكويت؟؟
    دا انا اللى اقولك سلملى عليها حته حته,
    سلملى على سلطان وسيتى سنتر ومارينا اللى على الخليج,
    ومول سنتر بوينت حبيبى,,
    اباه اسال على الاماكن دى هتعجبك,,

    يابنى كفايه الخليج,شوف الويك
    اند بتاعتك واخرج على الخليج شويه,,

    ولما مصر توحشك اوى روح المباركيه دى زى الحسين بالظبطططططططططططططططط نفس القعده والشيشه وكشرى مصر وكباب وكفته:) اه والله هى مصر بالظبط:)
    وعندك جاد عليه طوابير:)

    وياعينى انت واقع وسط شويه هنود يعععععععععع ربنا معاك دا الاكل لوحده كفيل انك تسيب البلد وترجع:)

    اللهجه باه ياسلاااام ,,
    الجيم ي يعنى رجال تباه ريال,,
    ولهوى يعنى ياجردى ياجردى,,,
    وياترى طرشت فاكسات لمصر ولا لسه:))
    عيييش فى الاول بس هتستغرب شويه بعدين ودنك هتتعود,,
    لما تحب تجيب عيش فينو قولهم عاوز سمون,,
    انا هديك كورس شكلى كده:)


    يابنى انت بتسمى الكويت غربه,,

    سململى انت باه عليها:)
    وربنا يوفقك ان شاء الله ,,


  2. نسيت اقولك كل سنه وانت طيب وعقبال مليون سنه:)


  3. كل سنة وانت طيب يا باشا

    ربنا يقويك وترجعلنا بالسلامة ان شاء الله


  4. أزال المؤلف هذا التعليق.

  5. أزال المؤلف هذا التعليق.

  6. أنا كمان في الكويت, من سنتين بس
    مش كنت تقول كنا استقبلناك في المطار بدل ما تحس أن الهنود احتلوا البلد وبالمرة نعمل جمعية مدونين مصريين في الكويت

    عارف انا احساس الغربة بيبقى صعب في الأول بس كلها كام أسبوع واللي هايقولك مصر هي أمي هاتقوله دي أخرها جوز خالتي

    وإذا كان على اللهجة المصرية فالكوايتة نفسهم بيكلموها معانا

    هما الهنود والفلبينين كتير, بس احنا نعتبر اكبر جنسية وصوتنا عالي وبنعمل اللي احنا عايزينه, يعني لو كنت لحقت كاس أفريقيا هنا كنت شفت المصريين احتفلوا ازاي

    تحياتي وياريت نتواصل دايما


  7. ترجع لمصر بخير ان شاء الله

    وتحتفل بعيد ميلادك الجاي وسط اهلك

    واكيد كلنا اخوات :)

    تحياتي


  8. OlivE Says:

    ازيك عامل ايه
    وربنا معاك

    والحمد لله قدرت تتدخل نت بسرعه

    بكره تتعود على الوضع وان شاء الله خير ليك


    بالنوسبه بقى لعيد ميلاد كل سنه وانت طيب وعقبال مليون سنه
    انا على فكره شوفتها على المنتدى واقعدت اعمل سيرش على الاكونت بتاعك علشان اقولك كل سنه وانت طيب
    بس فشلت اوصل ليك لان تقريبا ليك 2 اكونت على المنتدى
    يلا حصل خير


    Happy birth day to you

    سلامى


  9. يارب تفضل كده من اولها لحد رجوعك بالسلامة

    تفضل يا خوي
    ووالله مو غريب ولا بغربة

    واحنا عاوزين ايه غير تحيا الوحدة العربية
    بس كل اللي اقدر اقوله لك ربنا يجعلها لك غربة يسيرة ويديك خيرها ويقيك شرها

    تحياتي


  10. ع البركة ياحج
    البعد عن البلد دى غنيمة


  11. mo7eba lellah Says:

    انا مش هاعلق ولا هاقول حاجة كفاية اني قريت الكلمتين دول واطمنت انك بخير

    حمد لله على سلامتك ويــــــارب يسعدك ويرجعك بلدك سالم غانم (شوية من كلام الامهات)


  12. يا ربي من الغربة .....ربي يكتب لك أخوة في الله يعينوك على الغربة ...وفي انتظار بوست جديد عن الكويت و أهلها ....على فكرة الخليج كله بقى شبه شرق آسيوي مش بس الكويت ...تحياتي من مصر المحروسة التي تفتقد أبناؤها المغتربين.


Related Posts with Thumbnails