اللهم ولى على مصر من يصلح حالها يارب العالمين
صاحب رأى
كالعادة وزى كل يوم

قولت اشوف الاخبار ايه واتنكد شويه


بس المره دى وعلى غير العادة

مش عارف حصل لى ايه

حاله كدا ما بين الزعل والفرح

مبقتش عارف انا حاسس بايه


شويه احس بالضيق وفى نفس الوقت بضحك

سبحان الله


المهم نقول بقى اللى حصل دا ليه


دخلت على موقع مصراوى لقيت خبر بعنوان

"شيخ الأزهر يجبر طالبة على خلع النقاب بعد نقاش حاد"


كالعادة قولت يارب يكون خير


ودخلت اشوف الموضوع


قمة الأدب من طالبة فى الصف الثانى الاعدادى الازهرى

ترتدى النقاب

والطبيعى ان هذا لا حرج فيه

دى فى معهد ازهرى يعنى عادى جدا تلبس نقاب


وفى المقابل حدث ولا حرج

شيخ الازهر الدكتور محمد سيد طنطاوى


يعترض على لبسها للنقاب

قال ايه لسه صغيره

وعمل مشكله واجبرها تخلع النقاب


والبنت يا عينى تقوله انا مش عايزه حد يشوف وشى


وشيخ الازهر يقول النقاب عاده

النقاب عاده هههههههههههههه

ويقولها انا اعرف اكتر منك ومن اللى خلفوكى

الله على ادبك وعطفك يا شيخنا


وبعد كلام كتير وهبل من شيخ جليل

قرر انه ينزل قرار بمنع ارتداء النقاب فى المعاهد الازهريه



وانا من هذه المدونه احب انصح شيخنا الجليل

ان يجعل ارتداء النقاب خاص بالملاهى الليليه فقط

ماهو فى اماكن الدين ممنوع بقى


ربنا يهدى علماءنا


فى حاجت كدا مينفعش فيها فصال ولا كلام

ماهو وافق قبل كدا على اللى عملته فرنسا ومنع ارتداء الحجاب

والله خساره فيك الدعوه

ربنا ينتقم منك يا جدع

ربنا ينتقم منك


حسبى الله ونعم الوكيل


اللى عايز يتلخبط فى مشاعره يقرا الخبر هنا

موضوع المقال
ردود الأفعال: 
10 Responses
  1. امبارح لما عرفت الخبر ده اضايقت جدااااااا مضايقتش من كل اللى انت قولته ده اد مضايقت انه قال للبنت لما خلعت النقاب اومال لو حلوه شويه كنتى هتعملى ايه؟!!!!!!!!!!!!!
    اييييييييييييه ده؟ ايه الاسلوب والطريقه والتجريح ده؟ فكر نفسيه البنت دى بعد كلامه زمانها حصلها ايه...
    خيبه والله خيبه وبعدين باه بغض النظر ان النقاب عاده ولا فرض ولا فضيله واحده وحبت تتقرب الى ربها اكتر ,حتى من قبيل الحريه الشخصيه...
    بالله عليك يا اخى لو شاف واحده لابسه ستومالك ولا كت كان يقدر يغصبها انها تلبس هدوم او تغطى نفسها!!!!!
    كان يقدر يقولها ايه اللى انتى لابساه ده؟؟؟؟؟؟؟؟؟؟؟؟

    حاجه تحرق الدم



  2. حسبي الله ونعم الوكيل فيهم
    عاوزين مننا ايه تانى
    عشنا وشفنا
    المنتقبات يطاردوهم والمتبرجات يسقفولهم والله العظيم كدة كتير
    حرااااااااااااااام عليهم
    احنا امانة يا عالم فى ايديهم
    حسبي وانت تكفى يا رب
    حسبي وانت تكفى


  3. حسبى الله ونعم الوكيل

    مش هقول غير كدا


  4. الشعب لابد له من حكومه تشكمه said...

    طبعا اسلوبه كان وحش اوى مع البنت
    وربنا ينتقم من كل ظالم

    \\حاجه تحرق الدم
    يارب ما يحرق دمنا اكتر من كدا

    شكرا لمشاركتك
    تحياتى


  5. ! a7mad sala7 !! said...

    \\ :-??

    سعيكم مشكور
    منجلكش فى حاجه وحشه


  6. \\ mo7eba lellah said...

    ايه النور دا اول رد ليكى تحسبنى
    يلا مش مشكله المهم ادعى عليهم كتير
    وانا عارف انك هتعملى كدا من غير ما اقول

    على فكره عرفتك من الجمله دى
    \\ حسبي وانت تكفى يا رب

    نورتى والله


  7. \\Zeinab Shaheen said...

    حسبى الله ونعم الوكيل

    مش هقول غير كدا\\

    قوليها كمان وكمان
    منهم لله

    وحيرتينا بتغيير اسمك
    :)
    اثبتى على اسم بقى
    اصل بدأت اتوووووووووووه ومش عارف انتى بقيتى مين فى الآخر
    :)

    تحياتى ومنوره بمشاركتك


  8. Miss a Says:

    هو مش ناوي يرحمنا بقى
    الواحد تعب بصراحه


  9. \\ Miss a said...

    \\هو مش ناوي يرحمنا بقى
    الواحد تعب بصراحه\\

    ربنا يرحمنا وياخده ونرتاح

    دا لسه هيطلع القرار رسمى بمنع المنتقبات من دخول المعاهد الازهريه

    وتقريبا هيبقى لاى رقاصه اولويه الدخول
    ربنا يستر


Related Posts with Thumbnails