اللهم ولى على مصر من يصلح حالها يارب العالمين
mo7eba lellah

سيداتى انساتى

ولو الرجالة عاوزين يسمعوا مفيش مانع

اهو تستفيدوا برضه

اهلا بيكم فى طبق اليوم

معاكم محبة لله ونبدء الحلقة

طبق اليوم عبارة عن نوبل


المقادير

كلام معسول باى كمية انت تحبها

يعنى على قد ما كترت فى الكلام

كل ما كان اطعم

امانى ودى بقى حريه يعنى اطلب واتمنى وقول زى

ما انت عاوز

وعووووووووود بس افتكر ان وعد الحر دين عليه

بس الايام دى اشك ان فى احرار


طريقة التحضير

نحط المقادير فوق بعض ونخلط ونفرم ونطنش

المنظر اللى هنشوفه لانه مقرف

بس سيبك فى الاخر طعمه رائع

هينسيك اللى بتشوفه

اقولك بقى تاثير المقادير

اولا الكلام المعسول بينسي ضيوفك اساميهم

وهمومهم وديونهم

بينسيهم اللى بيشوفوه من مذابح ومجازر فى

التليفزيون وهما بياكلوا

بينسيهم ان زمان اتقال اننا احرار ودمنا حر

ما علينا

خلى البرنامج يخلص على خير


ثانيا الامانى بقى بتديهم امل فى غد مشرق

وابقوا قابلونى

هى الشماعة اللى بنشيل عن دماغنا

بيها الهم

نقول بكرة هنعمل وبكرة هيبقى ومفيش بكرة اصلا
بيبان


ثالثا الوعود يا سلام عليه بيدي طعم غريب

تدوقه تنام ومش اى نوم نوم تصحى منه على حتة

قلم ياااااااااااااااه

تحس انك شارب او سوري ضارب حاجة اصفرا

ياللا ما علينا


معلومة بس انكم لو عملتوا الاكلة دى مظبوط

فى خلال 9 شهور هتاخدوا وسام نوبل


يارب تكونوا استمتعتم ببرنامجى

وبالهنا والشفا
ردود الأفعال: 
5 Responses

  1. طبعا استحاله يعطى للموضوع قيمته الحقيقيه
    بجد الفكره عجبانى جدا
    اسلوب النقد بطريقه ساخره زى دى جامده جدا

    ولو اتكلمنا عن الموضوع

    فعلا كوووووووووووسه فى مصر وبرا مصر

    راجل اتكلم كلمتين فى كل مكان شويه
    وقالك هياخد جايزه على كدا

    طب ما يجوا يشوفوا سياده الرئيس مبارك
    بقاله 28 سنه
    بيحكم البلد وبينادى بالسلام فى كل مكان

    يعنى دا المفروض ياخدله اقل حاجه عشر جوائز

    ومن ناحيه اللى بيتكلموا كتير
    فا مفيش اكتر من كلام المسئولين فى مصر

    حرام عليكم يا منافقين

    بابا مبارك اولى منه :)


  2. اولا باشكركم على التعليق وده شرف ليا
    ثانيا اننا فى الحقيقة نستحق نوبل ان كانت بتيجى بالطريقة دى
    يعنى احنا ياما تمنينا السلام وياما علي صوتنا بالهتاف والكلام الحلو
    ياللا
    الى الملتفى فى جنة الخلد


  3. ههههههههههههههههههههههههههههه

    وجبة شهية جدا

    وهو دا اللى حصل فى جامعة القاهرة هنا لما جالنا الاخ باباك او ماما

    بس للاسف الناس هنا بيعجبها طريقة التقديم بس
    لكن الطعم ايه محدش بيركز
    كله بياكل وخلاص

    لنا الله


  4. olive tree Says:

    هههههههههههههههههه

    والله انتى طباخه هايله
    عرفتى الوصفه بالسرعه والسهوله دى


    بجد كل حاجة بقى فيها كوسه
    انا لما قريت الخبر استغربت هو
    عمل ايه يعنى علشان ياخدها ولا يستتحقها بايه يعنى



    ربنا يقوينا على العالم دول يارب


Related Posts with Thumbnails