اللهم ولى على مصر من يصلح حالها يارب العالمين
صاحب رأى
السلام عليكم ورحمة الله


بجد وحشتنى جدا المدونة
والناس وحشتنى اوى

وادخل فى الموضوع على طول


والموضوع اللى هتكلم فيه


هو عن سبب بعدى عن التدوين الفتره دى كلها




اصعب مرحلة ممكن يمر بيها الانسان
مرحلة التغيير والمسئولية



حاجة مش سهلة انك تغير عاداتك وروتينك اليومى

حاجة صعبه جدا ولا انت ايه رأيك انت

فكر كدا معايا

فاكر ايام الابتدائية ولما خلصتها وروحت للاعدادى

فاكر مرحلة التغيير دى

وان عقلك بدأ يكبر شويه شويه
وحاجات تانيه بتتغير
فاكر بقى مرحلة الاعدادى وبعدها تدخل الثانوية او المعهد او اى مرحلة تانيه
تغيير رهيب فى كل حاجه

والمسئوليه بتكبر واحده واحده

ويا سلام بقى لما خلصنا الثانوى ودخلنا الكلية او المعهد او الاكاديمية

وعيشنا الحياة الجامعية


كل دا يا ريس كوووووووم

وبعد ما تتخرج كوووووووووم تانى


مسئوووووولية رهيبة ومخيفة

حاجات كتيرة اتغيرت

روتينك اليومى اتلخبط

كل يوم بتواجه مشكلة ولازم تواجه كل شىء

مفيش مفر ولا فى مكان للهرب


وطبعا كالعاده ماما الحكومة

بتناااااااااااااام وتنساك اول ما تاخد شهادة التخرج

عشان كدا اى شاب مصرى عنده مسئولية

بيفكر على طووول فى السفر ، زيى كدا


هتقولوا فى ناس بتقعد وبتعيش من غير سفر

اقولك صح

بس مش عنده نفس المسئولية

:)

بيبقى مرتاح شويه

يعنى مثلا شغله بيبقى قريب من بيته

مش زي حالتنا من الاقاليم وشغلنا فى القاهرة

والمرتب تصرفه على نفسك قبل البيت

يبقى مفيش حل غير السفر

ادعولى يا جماعة الواحد يسافر حتى لو بعربيه كارو :)

يوم الجمعة اللى فاتت زعلت اوى انى مكنتش بدخل المدونة

لان كان فى لقاء للمدونين فى المنصورة بلدى حبيبتى


وبما انى مدون صغنون على ادى

كنت عايز احضر معاهم اليوم دا

خصوصا ان كان فى تبرع بالدم

وبما ان دمى تقيل فا كنت عايز اخففه شويه :)



وطبعا مش ناسى موضوع القطار بتاع العياط

بس مش عايز اتكلم فيه

لان دى هتبقى كلاكيت تالت مرة وبصراحة زهقت

فا شوفوا الفيديو دا وخلاص


اه يا عم مش ناسى والله

اللى بيفكرنى بموضوع ماتش مصر والجزائر

عايزنى اقول ايه يعنى


اكيد هقول



مصر مصر مصر

وعجبى

ردود الأفعال: 
6 Responses
  1. Miss A Says:

    عوداً حميداً :)

    التغيير سنة الحياه
    محدش بيفضل على نفس الحال طول العمر
    اكيد الاحساس بالمسؤليه صعب..لكن ربنا
    يعينك وييسرلك الحال

    بالنسبه للسفر..
    طبعاً اهم حاجه
    تدعي ربنا يكتبلك الخير
    سواء في السفر او في غيره الله اعلم الخير فين

    ولا تنسى ان تكثر من الاستغفار
    عشان كثرة الاستغفار بتزيد الرزق

    وخلي عندك امل كبير

    وربنا يوفقك يارب


  2. الحمد لله على سلامتك..
    ان شاء الله تيجى اللقاء الجاى ان شاء الله..:)
    اى شاب دلوقتى حتى لو عنده 17 سنه هتقوله نفسك فى ايه هيقولك نفسى اسافر..
    لانه ببساطه لو قعد هنا مش هيتجوز الا لو كان عنده بابا معاه واسطه واشتغل علطول..

    ربنا يكتبلك الخير ان شاء الله وييسرلك رزقك:)


  3. \\ Miss A said...

    عوداً حميداً :)

    التغيير سنة الحياه
    محدش بيفضل على نفس الحال طول العمر
    اكيد الاحساس بالمسؤليه صعب..لكن ربنا
    يعينك وييسرلك الحال\\

    آمين يارب

    \\بالنسبه للسفر..
    طبعاً اهم حاجه
    تدعي ربنا يكتبلك الخير
    سواء في السفر او في غيره الله اعلم الخير فين\\

    عندك حق ، محدش يعرف الخير فين
    بس اهو الواحد بياخد بالاسباب
    والحمد لله

    \\ولا تنسى ان تكثر من الاستغفار
    عشان كثرة الاستغفار بتزيد الرزق

    وخلي عندك امل كبير

    وربنا يوفقك يارب\\

    يارب ، ومتشكر جدا على النصيحة


  4. \\

    الشعب لابد له من حكومه تشكمه said...

    الحمد لله على سلامتك..
    ان شاء الله تيجى اللقاء الجاى ان شاء الله..:)
    \\

    الله يسلمك
    وان شاء الله ربنا يجمعنا دايما فى الخير

    \\اى شاب دلوقتى حتى لو عنده 17 سنه هتقوله نفسك فى ايه هيقولك نفسى اسافر..
    لانه ببساطه لو قعد هنا مش هيتجوز الا لو كان عنده بابا معاه واسطه واشتغل علطول..\\

    المشكله انى مفكرتش قبل كدا فى السفر
    بس لما اتخرجت وشوفت الوضع فى مصر
    فكرت مليون مرة
    مع انى زعلان جدا لان حاسس ان فى يوم هيجى علينا مش هنلاقى الشباب فى البلد

    \\ربنا يكتبلك الخير ان شاء الله وييسرلك رزقك:)\\

    آمين يارب ، واياكم ان شاء الله

    وسلامات يا حكومة ياللى بتشكمى ومش بتوظفى :)


  5. Lady E Says:

    "كل دا يا ريس كوووووووم

    "وبعد ما تتخرج كوووووووووم تانى


    ربنا يستر بتخوفنا ليه بس

    ان شاء الله تكون موجود في لقاء المدونين الجاي


  6. \\Lady E said...

    ربنا يستر بتخوفنا ليه بس

    ان شاء الله تكون موجود في لقاء المدونين الجاي\\

    متخافيش خالص
    دى الحياة لذيذه جدا
    جدا
    :)

    الحمد لله على كل حال طبعا
    اهم حاجه تركزى فى المرحلة اللى انتى فيها وسيبى الباقى على المولى سبحانه وتعالى

    وان شاء الله نلتقى جميعا فى الخير


Related Posts with Thumbnails