اللهم ولى على مصر من يصلح حالها يارب العالمين
صاحب رأى

باللغة العربية الفصحى ساكتب باذن الله

على قدر معرفتى وتعلمى ساحاول جاهدا ان

اكتب بدون اخطاء صرفية او نحوية 

 

ماذا حدث حتى افكر فى ذلك الأمر ؟

سأقول لكم ماذا حدث .. ركز

 

تذكرت هذه الأيام طفولتى الجميلة

وانى اعلم ان لكل انسان طفولة جميلة

حتى ولو ذاق بعض انواع الشقاء فيها 

فستظل ابدا اجمل ايام عمره

 

تذكرت الدراسة ومراحل التعليم

تذكرت اننى تعلمت اللغة العربية

لماذا تعلمت اللغة العربية ؟

 

تذكرت ما حدث من الاشقاء الجزائريين

وما اعقب ذلك من تعليقات على

لهجتهم ولغتهم القريبة من الفرنسية

 

سؤال الى كل مسلم و مصرى و عربى

الى اى مدى تمثل لك اللغة العربية ؟

 

فلو انك مسلم لكانت اجابتك انها لغة القرآن الكريم

فانا لا اقول تحدث العربية الفصحى

ولكن على الاقل حاول الكتابة بها

 

ولو انك مصرى لكانت الاجابة 

انها اللغة الام لك فى مصر

 

اما لو انك عربى

فيالها من سخرية 

لو انك تملك اكثر من اجابة واحدة

 

هل تقرأ الجرائد والاخبار؟

هل لازالت اللغة العربية كما هى؟

اكاد اجزم انه لا توجد جريدة واحدة

تخلو من لفظ بالعامية أولفظ اجنبى

 

لماذا نفعل ذلك ؟

لماذا نتبع هذا المخطط لتدمير لغتنا الام ؟

 

انا لا اجبر ولا الزم اى انسان

على ان يفعل شيء

ولكنى اعاتب نفسى كواحد منكم

 

فى بداية مراحلى فى التدوين

حاولت جاهدا ان اكتب بالعربية الفصحى

بدون التطعيم بالعامية او الفرنسية

 

ولكنى مثل باقى البشر

اسبح فى اتجاه التيار

معظمنا يكتب بالعامية

ولكنها ليست بعادية 

بل مطعمة بالمصطلحات الانجليزية

 

ولكن هذه الفكرة تدور فى ذهنى منذ ايام

وجدت نفسى خائفا من الاشتراك 

فى عملية ضياع اللغة

 

الكتابة باللغة العربية وليس بالعامية

 

انا قررت ان اودع العامية فى كتاباتى

وداعا نهائيا

 

ساستعمل اللغة التى نزل بها قرآننا الكريم

ساستعمل اللغة التى تكلم الرسول الكريم بها

فى احاديثه الشريفة

فى كتابة كل ما اريد

 

انه لمن الصعب بل لمن المستحيل 

ان اقوم بالتحدث بها

لانكم كما تعرفون اننى لن اسلم من السخرية

والحمد لله رب العالمين 

انى املك العقل واعلم ماذا اقول

 

سأتكلم العامية ولكنى سأكتب بالعربية

 

"دعوة الحنين الى اللغة العربية"

 

والسلام عليكم ورحمة الله وبركاته


التحديث


انا لم اتكلم عن اسلوب التدوين

كل ما قصدته 

انه كيف لصحفى ان يكتب بالعامية؟

وهذا هو سبب الكتابة 

فى هذا الموضوع


على مدار الايام الماضية

لاحظت وجود مقالات بالعامية

فى الكثير من الصحف المصرية


وانا ذكرت جملة تقول 

سأتكلم بالعامية ولكن سأكتب بالفصحى


ولم اقصد بهذه الجملة 

ان احكم على احد 

فهناك مدونات يعجبنى اسلوب كاتبها جدا

واسلوبه بالعامية

وانا لا انتقد ذلك

لان المدونات طريق حر لصاحبه

يشكله كيفما يشاء


ولم اقصد الحديث بالفصحى

لان ذلك صعب جدا

وليست مسئوليتى ان ادعو الى ذلك


انا انتقد فكرة واحدة

"صحفى يكتب بالعامية"


فهل ترى انه يستحق لقب صحفى؟


فاللغة العربية مسئولية الصحافة من وجهه نظرى


نقطة ثانية

فى اوقات كثيرة اكتب ملاحظاتى

واكتشفت اننى لا استطيع كتابتها بالعامية

ودائما اكتبها بالفصحى 


وعندما احتاج ان اكتبها فى المدونة

اقوم بتحويلها للعامية

اعتقد انه شىء غريب جدا


لذلك حكمت على نفسى بالكتابة 

بنفس اسلوبى خارج المدونة


اعتقد انه اسلوب مريح جدا لى


اتمنى من كل مدون

ان يحافظ على اسلوبه فى الكتابة

لان لكل اسلوب عشاق 

وانا اعشق مدونين يكتبون بالعامية


واتمنى ان اسلوبى ينال اعجابكم


اتمنى وضوح الفكرة الآن

وشكرا لمشاركتكم

 

موضوع المقال
ردود الأفعال: 
14 Responses
  1. ماشاء الله
    حقيقة موضوع رائع ومهم
    فلندع اللغة العامية للأميين ولا نكون نحن المتعلمون اصحاب الشهادات العليا من يحقر ويهون هذه اللغة
    حقيقة أشكركم وجزاكم الله خيرا


  2. OlIvE TrEe Says:

    جميل الموضوع
    وعندك حق
    بس احنا هنا فى مصر كلنا
    بلا اسثناء بنتكلم لغه عاميه
    حتى الشيوخ بيدخلوا اللغه العاميه
    لقربها من مسامع الناس وبفهموها بسرعه لان بمنتهى البساطه احنا مش بنتعلم لغه عربيه صح فى المدارس

    لو عايزين كدا يخلوا ان حفظ وتعليم القرآن الكريم كاملا اجبارى
    ساعتها هنتعلم لغه عربيه صح

    بس بيتهيالى كدا مفيش غير واحد بس اللى بيتكلم لغه عربيه فصحى وهو رئيس الجمهوريه فى الخطابات بتاعته اللى بنحاول نفهمها

    انا عن نفسى حاولت كتير يبقى كل كلامى فى المدونه لغه عربيه فصحى بس بصراحه
    ولانى متعودش على كدا فالموضوع صعب تحقيقه



    موضوع بقى الانجليزى اللى بينقط فى الجمل دى
    بصراحه انا واحده من الناس بعمل كدا بطبيعه دراستى وتعود منى على كدا
    جمله تنقط كدا وفجاه اقول هو انا بقول ايه طيب ما نتكلم عربى
    بس تعود بجد
    وممكن تغيريه


    شكرا على الموضوع
    ودعوه اللغه العربيه الفصحى فى كل كتباتنا


    تحياتى
    :)


  3. ممتاز توجه رائع ولكن لابد من ان تدخل من هنا كلمه عاميه ومن هناك انجليزيه واخرى فرنسيه عندكم في مصر اما عندنا في السعوديه فقد تدخل كلمه هنديه واخرى فلبينيه
    انها العولمه يا اخي
    كلامك سيكون (كوكتيل )

    :)


  4. فكرتك محترمه جدا
    بس انت عارف بقى
    زى اللى بيفكر يتكلم انجليزى او يتعلمه
    بيحس انو بيعمل حاجه غريبه
    لو قولت وانت معدى على واحد
    السلام عليكم
    هيتف فى وشك
    قوله سلامو عليكو

    صح
    مشكله الشعب انو مبقاش مقدر
    انو بعد كل البعد عن لغته
    وللاسف محدش بيفكر يصلح
    وبالتالى
    عمرنا ما هننطق عربى صح
    واخيرا
    ربنا يكرمك والف الف شكر ليك على الموضوع
    وتقبل زويارتى يا ريس


  5. \\mo7eba lellah said...

    نورتينى يا محبة لله
    والاروع هى مدونتك الجديدة
    يارب تكون فاتحة خير

    وفعلا المتعلم هو اللى لازم يحافظ على اللغة العربية حتى ولو بكتابة المقالات بطريقة سليمة

    وجزاكم الله كل خير


  6. \\OlIvE TrEe said...

    لو اخدتى بالك
    انا قولت انى هتكلم عامية وهكتب بالفصحى

    بس انا لما قولت كدا
    عشان اكون سبب انى احافظ على اللغة دى
    لكن التدوين بالعامية له طعم جميل وسهل عن الفصحى

    انا مش بقول ان التدوين لازم باللغة العربية الفصحى
    انا كنت بتكلم عن الجرائد والمجلات
    اللى بتدخل العامية فى مقالاتها

    لكن لو عايزة تساعدى اللغة والحفاظ عليها
    اهلا بيكى يا شجرة الزيتون :)

    بجد نورتينى وبلاش تغيرى فى طريقة كتابتك

    وانا هاعمل تحديث اوضح فيه كلامى اكتر


  7. \\ حنان ورده said...

    اهلا بكل اهل السعودية

    بس تفتكرى ان فى انجلترا كمثال
    حد بيدعم لغته بكلمه عربى
    او فرنسى
    ولا كله انجليزى

    مع ان العولمة عندهم زى ماهى عندنا
    لان مفهوم العولمه كبير جدا
    لكن تطعيم اللغة العربية مختلف جدا

    كل البلاد بتعتز بلغتهم ما عدا العرب

    نورتينا وشرفتينا


  8. \\The illusionist said...

    الفكرة كلها انى لما بدأت اكتب كنت بكتب بالفصحى
    وبعد كدا لقيت معظم المدونين بيستخدموا العامية
    فحاولت انى استخدمها انا كمان

    بس لما لقيت ان الجرائد والمجلات بتكتب بالعاميه فهى دى المشكلة
    انى الاقى صحفى بيكتب بالعاميه
    فدا هو العيب بجد

    انا مضطر اعمل تحديث وابين كل دا

    نورتنى بجد ويارب نقدر نخدم دينا وبلدنا دايما


  9. OlIvE TrEe Says:

    فكرتك واضحه جدا يا باشمهندس

    وعارفه ان حضرتك مش بتقصد انك تحكم على حد خالص
    وفى كلام فعلا مش بيوصل لتفكيرنا غير باللغه العاميه انا مقولتش حاجة

    بس من وجه نظرى
    فى كلام تانى لو قولته باللغه العربيه مثلا بيكون اقوى واعمق فى كلماته

    يعنى مثلا انا كتبت اخر بوست مش بالعاميه ليه؟؟
    لانى كنت يوميها حاسه انى وقعت فى بحر اللغه قاعده اكتب من الصبح كلام بعيد عن العاميه خالص
    علشان كدا ضربت فى دماغى اكتبها كدا

    بتبقى حسب انت حاسس البوست ازاى وشايفه هيوصل للناس ازاى

    بس الموضوع مش مختلط عندى خالص انا فاهمه كلام حضرتك كويس
    وانا واحده عمرى ما هعرف اكتب لغه عربيه فى كل حاجة لانى مش فاذه فيها يعنى

    دا انا بنطق اللى بكتبه بالعافيه
    :D

    تحياتى
    واسفه على الاطاله


  10. \\OlIvE TrEe said...

    طب الحمد لله ان الفكرة واضحة ليكى

    وفعلا كل موضوع وله طريقة يتكتب بيها

    وتحياتى ليكى على متابعتك بجد
    ومفيش اطالة ولا حاجه لانى سعيد برأيك


  11. بارك الله بك وفيك

    أحييك تماماً وأعضدّك جملةً وتفصيلا


  12. "دعوة الحنين الى اللغة العربية"

    ربنا يكرمك والله عالموضوع داه ...تعرف سبب رئيسي لضياع لغتنا العربية هو عقدة المدارس الأجنبية لما الجيل حيطلع محب للغة الإنجليزية أكتر بكتير علشان اللغة الإنجليزية سهلة في وجهة نظرهم إنما العربية معقدة ومتعبة .حتى الإجابة على السؤال في الإنجليزية يتطلب رد مختصر إنما العربية تتطلب رد شامل .ضيعوا هويتنا الإسلامية ودي مهمة أولياء الأمور بقى : نقعد مع أولادنا نتكلم عن لغة القرآن و نقرأ معاهم قصص القرآن وقصص الأنبياء وما أكثر و أجمل هذه الكتب المبسطة والتي قرأناها ونحن صغار شد الهمة أخي و ضع أفكار نمشي عليها كما وضعت من أفكار خاصة بالإستيقاظ لصلاة الفجر...تحياتي


  13. \\أحمد شريف said...

    بارك الله بك وفيك

    أحييك تماماً وأعضدّك جملةً وتفصيلا\\

    بارك الله لنا وفينا جميعا
    متشكر على تشجيعك


  14. \\كلمات من نور said...

    عندك حق فعلا
    مدارس اللغات هى اللى عملت فينا كدا
    حتى دراستنا فى الكلية كانت انجليزى
    بس مفيش طريق فى الدراسه غير كدا لان احنا بنقتبس العلم دا من الغرب
    مش زى زمان يعنى

    يارب يرزقنا جميعا بالافكار الصالحه اللى تخدم دينا وبلادنا


Related Posts with Thumbnails