اللهم ولى على مصر من يصلح حالها يارب العالمين
صاحب رأى



دائما ما نحظى بأوقات تمر علينا سريعا
لحظات لا نستطيع ان نقدرها بمال .

لحظات السعادة دائما ما تكون قليلة فى حياتنا ،
ربما لان وقت الفرح يمر سريعا ولا نستطيع ادراكه
فى ظل تباطؤ وقت الحزن فى المرور(المرور المصرى)

معظمنا يقول ان حياة الانسان تقاس باوقات السعادة والفرح 
التى يعيشها
ربما هذا صحيح .

اليوم يمثل لى ذكرى جميلة جدا
ذكرى تمثل لى جزء من حياتى
جزء لا استطيع ابدا ان انساه ودائما افتقده .

فهل تعتقد ان بداية الحب ذكرى تستحق ان تتذكرها ؟
اعتقد ان الاهم من ذلك هو
ذلك اليوم الذى تعلم فيه
أن من تحبه يبادلك نفس الشعور .

يوم 26 من شهر ديسمبر من كل عام
يذكرنى بأول لحظه اعلم فيها
ان من اسرت قلبى ضاع قلبها بين ثنايا قلبى
هذا اليوم لا اقدر ابدا على نسيانه.

كان يوم أربعاء وكانت الساعه حوالى الثانية عشر ظهرا
اذكر اليوم وكأنه البارحه .

فلماذا عندما نذكر اوقاتا سعيدة تدمع العين ؟
انا لا اعلم لماذا
ولكن هذا الشعور يكون مختلطا
فانت سعيد لتذكرك هذا الوقت
وحزين لعلمك انك لن تستطيع اعادة هذا الحدث مرة أخرى

وما اشبه اليوم بالبارحة
فأنا سوف اضيف الى تاريخ حياتى
تاريخ يوم أمس 25 ديسمبر
"لقاء المدونين بالمنصورة"

يوم ان تعرفت على مجموعة من الشباب 
وأسف اننى لم افكريوما من الأيام
فى وجود هذا النوع من الشباب(من الجنسين) المصرى المميز .

شباب يعلم معنى المسئولية
يعلم جيدا كيف يفكر بطريقة سليمة وبناءه
يعلم ان لكل انسان دور فى حياة البشر
وهم بالفعل يعملون على ذلك .

كنت اعتقد ان هذه النوعية من الشباب(من الجنسين) لم تعد موجودة
ولذلك اخترت اسم "شارك ولو برأيك"
كإسم لمدونتى .

وذلك نظرا لتفشى السلبية فى المجتمع المصرى
فقررت ان اعمل على ابداء الرأى بايجابية
وعدم المشاهدة فقط 
لذلك فانا اشارك واريدك ان تشارك على الأقل بالرأى .


فرحت جدا بصحبة أناس اعلم انهم سيؤثرون فى مستقبلا
وأمل ان يكون تأثير ايجابى .


لا اعرف كيف اذكر الكل
كان الوقت ضيقا فلم استطع ان اتكلم مع الجميع .

ولكنى سأذكر بعض ملاحظاتى 

1- "شيما" انا متابع جيد لمدونتك ومن اسلوب كتابة الشخص وتفكيره
نستطيع ان نرسم له صورة فى عقولنا
ولكنى لم استطع رسمك جيدا 
بدون نظرات التعجب
كنت اظنك اكبر عمرا
ولكنى اخطأت ولم استطع ان افرق بين كبر العمر وكبر العقل
وشكرا على اقتراحك للقاء .

2- الأستاذ "أيمن بدر"  شخصية عجبتنى جدا
شخصية برغم ثقلها الفكرى ، الا ان المعلومة تندرج منه بسهولة جدا
اتمنى انى اتواصل معك دائما وابدا .

3- "مونتانا" اتمنى لك التوفيق دائما
سعدت بصحبتك والحديث معك .

4- "صلاح مسدس صغير" اثر فى شعرك السياسى
دمعت عينى من كلماتك
لا اعلم لماذا شعرت بكل كلمة نطقت بها
شكرا لك وجعلك الله ذخرا لهذه الأمة .

5 - "محمد هنرسم وطن" لا تطلق على هذه الحملة كلمة حلم
لان الحلم ليس له حدود
ولكن لوطننا يجب ان يكون له حدود
وهى حدود الدين والشريعة .

6- "محمد فؤاد ، عمود نور" قمت بالتصوير كثيرا 
اتمنى ان تعجبك المنصورة دائما
سعدت بصحبتك وبمعرفتك

7-"صبرنى يارب" مقنعة فى كلامك جدا
عندك اسلوب رائع فى الاقناع بتسلسل وبالأدلة
ربنا يصبرك فعلا :)

8-"بدراوى" انت تعرف ما اريد قوله لك 
والحمد لله اننى اخذت من وقتك القليل فى آخر اليوم .

9- "محمد شحاته" لا اعلم لماذا كنت فى عالم أخر
فعلا "عالم السحر والخيال" .

10- للأسف لم استطع ان اتعرف على الآخرين
ولكنى استمعت لكم واعجبت بتفكيركم جدا
واتمنى لكم التوفيق فى حياتكم .

أحلى أيام العمر
لا يمكن ان تنسى ولو للحظه
دائما ما نعيش على الذكريات
وبدون الذكريات لا نستطيع بناء المستقبل
ولا ان نعيش حاضرا


اهداء الى كل من ادخل السرور الى قلبى .
موضوع المقال
ردود الأفعال: 
18 Responses
  1. OlIvE TrEe Says:

    طيب انا متغاظه دلوقتى اعمل ايه طيب ؟؟؟


    كان نفسى احضر لقاء زى دا يا ناس

    بس سعيده جدا ليكم وربنا يديم المحبه واللقاءات ما بينكم يارب

    كان نفسى اكون موجوده واستفاد من كل الناس ونشارك برضوا برأينا :)


    بالنسبه للذكريات
    يمكن بنحس ان عمرها قصير من كتر حلاوتها وكمان امنيتنا اننا تستمر لفتره اكتر
    بس الحمد لله اننا مرينا بيها ويكفينا اننا كل عام نفتكرها وتترسم ابتسامه على وجوهنا من الذكرى دى



    سلامى


  2. اممممممممممم
    شكل اللقاء كان حلو


  3. اللقاء بجد كان حلو

    وبصراحه عجبتنى وجهه نظرك

    فى اكتر من حاجه

    كنت منور


  4. محموووووووود انا زعلانه والله انى مش اتكلمت معاك كتير:(
    اصلك جيت بعد مكنت اتناقشت واتخانقت وخلصت كل كلامى هههههههههه فقلت اتفرج عليكو باه وانتو بتتخانقوا :))

    بجد مبسوطه انى عرفتك مع اننا مرغناش كتير:)
    بس المره اللى جايه ان شاء الله,


  5. Ahmed Gaber Says:

    سيدي يا سيدي علي الكلام الحلو
    حب و ناس و لقاءات, امال يا خويا متكلمتش ليه عن اربع سنين قضيناهم مع بعض؟

    ربنا يديم عليم السعاده و تفضل الذكريات الحلوه علشان تخليك تستحمل مرار العيشه اللي عايشنها الايام دي

    تحياتي
    مش مهم تعرف مين


  6. \\OlIvE TrEe\\
    ولا تتغاظى ولا حاجه
    خيرها فى غيرها ان شاء الله

    وهو فعلا كان لقاء جميل جدا جدا
    ويارب يديم المحبة ما بينا ويوفقنا جميعا .
    وانا دايما بفرح لما بتشاركى برأيك :)
    ويارب دايما نفتكر ذكرياتنا بالابتسامة


  7. \\حلم بيعافر\\
    كان رهيب وفظيع وممتع وشيق وكل حاجه :)
    ان شاء الله تعوضها .


  8. \\ حـــلـــم كــــان \\
    والله الكل كان منور
    وتعليقك دا كنت عايز ارد عليه بجملة من ايام زمان
    "ربنا يجبر بخاطرك"

    بس متزعليش منى لو قولت انا مقدرش اميزك انتى كنتى مين
    بس الاكيد ان مدونتك هترسملك صورة عندى :)

    ويارب دايما لقاءاتكم لا تخلى من المودة والطاعة .


  9. \\الشعب لابد له من شيما تشكمه\\

    شيماااااااااااا :)
    ولا يهمك تتعوض ان شاء الله ولو فى التعليقات :)
    وتأخيرى كان غصب عنى ، شوية ظروف .
    وانا زعلت وكنت خجلان انى جيت متأخر .

    ومعلش بقى انى مقدرتش اتعرف عليكى اول ما دخلت عليكم لان زى ما قولت كنت راسم لك صورة مختلفه :)
    وانا اسعد والله يا شيما
    ودائما نلقاك على خير باذن الله


  10. \\Ahmed Gaber \\
    زى ما قولتلك فى الميل
    انا مجهز مقال ولسه بكمل فيه بردو
    وان شاء الله هانشرة ليلة السفر باذن الله
    عشان اودع مصر واودعكم بالمقال دا
    واتمنى انى اشوفكم على خير

    ويارب دايما كلنا نعيش فى سعادة
    وبعدين اعرفك انا للناس يا ريس

    دا صاحبى يا جماعة وكان ليدر مشروع التخرج بتاعنا وطبعا احلى ايام العمر معاه هو وكل حبايبى فى الاسماعيليه


  11. احنا اتشرفنا بك والله

    وشكرا على كلامك الجميل عني وعن اللقاء

    والمره الجايه ان شاء الله تتعرف على ناس اكتر


  12. BNT ELISLAM Says:

    السلام عليكم ورحمه الله وبركاته
    يمكن تكون اول زياره لمدونتك ومن كتر مااعجبتنى اوعدك انها لم تكن الاخيره
    وبنسبه للزكريات يمكن الزكريات هى الى بتفضل بعد ماكل شىء بيروح بعد ماهى نفسها بتنتهى وبعد اوقات الحزن مابتفوت برده هى الى بيتبقى عشان تزكرها حتى بعد ما الانسان مابيموت مابتفضل غير الزكريات
    انا عن نفسى بحب تجميع كل حاجه تفكرنى بموقف اسعدنى او لحظه حلوه انا عيشتها
    عشان وقت مافتكرها اقدر ابتسم وبجد
    تسلم ايدك وربنا يسعد ايامك


  13. Sharm Says:

    العمر لحظة

    اجعلها سعيدة


  14. \\صبرني يارب\\
    الشرف لينا
    والكلام اللى كتبته دا اقل كمان والله
    دانا كمان كنت عايز اقول انك لما كنتى بتتناقشى مع حد كنت افضل اسمعك
    بجد كلامك عاجبنى جدا
    ربنا يزيدك ويكرمك .


  15. \\BNT ELISLAM\\
    وعليكم السلام ورحمة الله
    تشرفينا وتنورينا فى اى وقت

    فعلا الذكريات هى اللى بتبقى لنا بعد كل حاجه سواء فرح او حزن لا قدر الله

    ويارب يسعد ايامنا كلنا
    شكرا لتعليقك
    وسعيد بزيارتك


  16. \\Sharm \\
    العمر لحظه اجعلها سعيدة

    تعرف ان الوسيله الوحيدة لججعلها سعيده الاهتمام بطاعة الله
    فى كل شىء بنعملة لازم نطيع ربنا عشان يبارك لنا ويسعدنا

    شكرا لتعليقك
    ونورتنا


  17. اولا
    اسمى محمد ثانيا
    وده الاهم
    الحملة حلم فعلا
    والوطن بلا دين
    الرسول كان عايش مع مسيحين ويهود وكفرة
    لكم دينكم ولى دين
    بس للاسف جملة بحبها قوى الدين لله والوطن للجميع
    وبعدين لو انا قولت انا مسلم هل انت متاكد من كلمتى ومن ضميرى ؟؟؟؟؟؟؟


  18. \\ صوت من مصر \\

    متأسف ، انا صلحت الاسم
    الحملة حلم او مش حلم انت حر
    وبعدين الرسول كان عايش مع كل الاديان لكن بحدود الدين الاسلامى والشريعة الاسلامية
    يعنى مينفعش نعيش زى النصارى او اليهود

    انت حر فى رأيك بس الدين متقربش له
    وابقى قول لسيدنا محمد يوم القيامة مش عايز الوطن بالدين
    عايزه وطن بلا دين


Related Posts with Thumbnails